Read Bíbélì Mímọ́ ní Èdè Yorùbá Òde-Òní Ìwé Sáàmù 147 Bible Online

Ìwé Sáàmù 147 - Bíbélì Mímọ́ ní Èdè Yorùbá Òde-Òní bible

Ìwé Sáàmù 147

¹Ẹ fi ìyìn fún OLÚWA nítorí ohun rere láti máa kọrin ìyìn sí Ọlọ́run wa, ó yẹ láti kọrin ìyìn síi.

²OLÚWA kọ́ Jérúsálẹ́mù; O ko àwọn Ísírẹ́lì tí a lé sọnù jọ.

³Ó wo àwọn tí ọkàn wọ́n bajẹ́ sàn ó sì di ọgbẹ́ wọn.

⁴Ó ka iye àwọn ìràwọ̀ ó sì pe ọ̀kọ̀ọkan wọn ní orúkọ

⁵Títóbi ní OLÚWA wa ó sì pọ̀ ní agbára òye Rẹ̀ kò sì ní òpin.

⁶OLÚWA wa pẹ̀lú àwọn onírẹ̀lẹ̀ bẹ́ẹ̀ ni ó Rẹ̀ àwọn ènìyàn búburú sílẹ̀.

⁷Fi ọpẹ́ kọrin sí OLÚWA fi ohun èlò orin olókùn yin Ọlọ́run.

⁸Ó fi ìkuukù bo àwọ sánmọ̀ ó rọ òjò sí orílẹ̀ ayé ó mú kí koríko hù lórí àwọn òkè

⁹Ó pèṣè oúnjẹ fún àwọn ẹranko àti fún awọn ọmọ àdàbà ní ìgbà tí wọ́n bá ń ké.

¹⁰Òun kò ní inú dídùn nínú agbára ẹsin bẹ́ẹ̀ ni Òun kò ní ayọ̀ sí ẹ̀ṣẹ̀ ọkùnrin

¹¹OLÚWA ní ayọ̀ nínú àwọn tí ó bẹ̀rù Rẹ̀, sí àwọn tí ó ní ìrètí nínú àánú Rẹ̀.

¹²Yin OLÚWA, ìwọ Jérúsálẹ́mù yin Ọlọ́run Rẹ̀, ìwọ Síónì.

¹³Nítorí tí ó ti mú ọ̀pá ìdábùú ìbodè Rẹ̀ lágbára; Òun sì ti bùkún fún àwọn ọmọ Rẹ̀ nínú Rẹ

¹⁴Òun jẹ́ kí àlàáfíà wà ní àwọn ẹnu ibodè Rẹ̀ òun sì fi jéró dáradára tẹ́ ọ lọ́rùn.

¹⁵Òun sì rán àṣẹ Rẹ̀ sí ayé ọ̀rọ̀ Rẹ̀ sáré tete.

¹⁶Ó fi sino fún ni bi irun àgùntàn ó sì fọ́n ìrì idídì ká bí eérú

¹⁷Ó rọ òjò yìnyín Rẹ̀ bí òkúta wẹ́wẹ́ ta ni ó lè dúró níwájú òtútù Rẹ̀

¹⁸Ó rán ọ̀rọ̀ Rẹ̀ jáde ó sì mú wọn yọ̀ ó mú kí afẹ́fẹ́ Rẹ̀ fẹ́ ó sì mú odò Rẹ̀ sàn.

¹⁹Ó sọ ọ̀rọ̀ Rẹ̀ di mímọ̀ fún Jákọ́bù àwọn òfin àti ìlànà Rẹ̀ fún Ísírẹ́lì

²⁰Òun kó tí ṣe irú èyí sí orílẹ̀ èdè kan rí, Bí ó ṣe ti ìdájọ́ Rẹ̀ wọn ko mọ òfin Rẹ̀. Ẹ fi ìyìn fún OLÚWA.