Read Bíbélì Mímọ́ ní Èdè Yorùbá Òde-Òní Ìwé Sáàmù 148 Bible Online

Ìwé Sáàmù 148 - Bíbélì Mímọ́ ní Èdè Yorùbá Òde-Òní bible

Ìwé Sáàmù 148

¹Ẹ fi ìyìn fún OLÚWA Ẹ fi ìyìn fún OLÚWA láti ọ̀run wá Ẹ fi ìyìn fún un níbi gíga

²Ẹ fi ìyìn fún un, gbogbo ẹ̀yin ángẹ́lì Rẹ̀ Ẹ fi ìyìn fún un, gbogbo ẹ̀yin ọmọ ogun Rẹ̀

³Ẹ fi ìyìn fún un, oòrùn àti òṣùpá Ẹ fi ìyìn fún un, gbogbo ẹ̀yin ìràwọ̀ ìmọ́lẹ̀.

⁴Ẹ fi ìyìn fún un, ẹ̀yin ọ̀run àwọn ọ̀run gíga àti ẹ̀yin omi tí ń bẹ ní òkè ọ̀run

⁵Ẹ jẹ́ kí wọn kí ó yin orúkọ OLÚWA nítorí ó pàṣẹ a sì dá wọn

⁶Ó fi ìdí wọn múlẹ̀ láé àti láéláé ó sì ti ṣe ìlànà kan tí kì yóò já.

⁷Ẹ yin OLÚWA láti ilẹ̀ ayé wá ẹ̀yin ẹ̀dá inú òkun títóbi àti ẹ̀yin ibú òkun

⁸Mọ̀nàmọ́ná àti òjò yìnyín ìdí omi àti àwọn ìkùùku, ìjì líle tí ń mú ọ̀rọ̀ Rẹ̀ ṣẹ;

⁹Òkè ńlá àti gbogbo òkè kékèké, igi eléso àti gbogbo igi kédárì,

¹⁰Àwọn ẹranko ńlá àti ẹran ọ̀sìn gbogbo ohun afàyàfà àti àwọn ẹyẹ abìyẹ́:

¹¹Àwọn ọba ayé àti ènìyàn áye gbogbo àwọn ọmọ aládé àti gbogbo àwọn onídájọ́ ayé,

¹²Ọ̀dọ́mọkùnrin àti ọ̀dọ́mọbìnrin àwọn arúgbó àti àwọn ọmọdé.

¹³Ẹ jẹ́ kí wọn kí ó yin orúkọ OLÚWA nítorí orúkọ Rẹ̀ nìkan ni ó ní ọlá ògo Rẹ̀ kọjá ayé àti ọ̀run

¹⁴Ó sì gbé ìwo kan sókè fún àwọn ènìyàn Rẹ̀, ìyìn fún gbogbo ènìyàn mímọ́ Rẹ̀ àní fún àwọn ọmọ Ísírẹ́lì, àwọn ènìyàn tí ó súnmọ́ ọ̀dọ̀ Rẹ̀. Ẹ fi ìyìn fún OLÚWA.