Read Bíbélì Mímọ́ ní Èdè Yorùbá Òde-Òní Ìwé Sáàmù 16 Bible Online

Ìwé Sáàmù 16 - Bíbélì Mímọ́ ní Èdè Yorùbá Òde-Òní bible

Ìwé Sáàmù 16

¹Pa mí mọ́, Ọlọ́run, nítorí nínú Rẹ ni ààbò mí wà.

²Mo sọ fún OLÚWA, “ìwọ ni Ọlọ́run mi, lẹ́yìn Rẹ èmi kò ní ire kan.”

³Sí àwọn ènìyàn tí ó wà ní ayé, àwọn ni ológo nínú èyí tí ayọ̀ mí wà.

⁴Ìṣòro àwọn wọ̀n ọn nì yóò pọ̀ síi àwọn tí ń tọ ọlọ́run mìíràn lẹ́yìn. Ẹbọ ohun mímu ẹ̀jẹ̀ wọn ni èmi kì yóò ta sílẹ̀, bẹ́ẹ̀ ni èmi kì yóò dá orúkọ wọn lẹ́nu mi.

⁵OLÚWA, ni ìní mi tí mo yàn àti ago mi, ó ti pa ohun tí íṣe tèmi mọ́.

⁶Okùn ààlà ilẹ̀ ti bọ́ sí ọ̀dọ̀ mi ní ibi dídára; nítòótọ́ mo ti ní ogún rere.

⁷Èmi yóò yin OLÚWA, ẹni tí ó gbàmí ní ìyànjú; ní òru, ọkàn mí ń bá mi sọ̀rọ̀.

⁸ Mo ti gbé Ọlọ́run ṣíwájú mi ní ìgbà gbogbo. Nítorí tí ó wà ní ọwọ́ ọ̀tún mi, a kì yóò mì mí.

⁹Nítorí èyí, ọkàn mi yọ̀, ahọ́n mi pẹ̀lú ń fò fáyọ̀; ara mi pẹ̀lú yóò sinmi ní ààbò,

¹⁰ nítorí ìwọ kò ní fi ọ̀kan sílẹ̀ nínú iṣà òkú, tàbí kí ìwọ jẹ́ kí ẹni mímọ́ Rẹ kí ó rí ìdíbàjẹ́.

¹¹Ìwọ ti fi ipa ọ̀nà ìyè hàn mí; Ìwọ yóò kún mi pẹ̀lú ayọ̀ ní ìwájú Rẹ, pẹ̀lú ìdùnnú ayérayé ní ọwọ́ ọ̀tún Rẹ.