Read Bíbélì Mímọ́ ní Èdè Yorùbá Òde-Òní Ìwé Sáàmù 21 Bible Online

Ìwé Sáàmù 21 - Bíbélì Mímọ́ ní Èdè Yorùbá Òde-Òní bible

Ìwé Sáàmù 21

¹Áà! OLÚWA, Ọba yóò yọ̀ nínú agbára Rẹ, àti ní ìgbàlà Rẹ, yóò ti yọ̀ pẹ́ tó!

²Nítorí pé ìwọ ti fi ìfẹ́ ọkàn Rẹ̀ fún un, bẹ́ẹ̀ ni ìwọ kò sì dùn ún ní ìbéèrè ẹnu Rẹ̀. Sela

³Ìwọ ti fi àwọn ìbùkún oore kò ó ni ọ̀nà ìwọ fi adé wúrà dé e ní orí.

⁴O ní ọwọ́ Rẹ, ìwọ sì fi fún un, àní ọjọ́ gígùn títí ayérayé.

⁵Ògo Rẹ̀ pọ̀ nípaṣẹ̀ ìṣẹ́gun tí o fi fún-un; ìwọ́ sì jẹ́ kí iyì ọlánlá Rẹ̀ wà lára Rẹ.

⁶Dájúdájú ìwọ ti fi ìbùkún ayérayé fún-un: ìwọ́ sì mú inú Rẹ̀ dùn pẹ̀lú ayọ̀ ojú u Rẹ̀.

⁷Ọba ní ìgbẹ́kẹ̀lé nínú OLÚWA; nípaṣẹ̀ ìfẹ́ Ọ̀gá ògo tí kì í kùnà kì yóò sípò padà.

⁸Ọwọ́ Rẹ yóò wá gbogbo àwọn ọ̀ta a Rẹ rí; ọwọ́ ọ̀tún Rẹ yóò wà àwọn tí o kóríra Rẹ rí.

⁹Nígbà tí ìwọ bá yọ ìwọ yóò mú wọn dàbí ìnà ìléru. OLÚWA yóò gbé wọn mì nínú ìbínú Rẹ̀, àti pé iná Rẹ̀ yóò jó wọn run.

¹⁰Ìwọ yóò pa ìrandíran wọn run kúrò lórí ilẹ̀, àti irú ọmọ wọn kúrò láàrin àwọn ọmọ ènìyàn.

¹¹Bí o tilẹ̀ jẹ́ wí pé wọ́n ro èrò ibi sí ọ wọ́n sì ń pète ìwà-ìkà, wọn kì yóò ṣe àṣeyọrí.

¹²Nítorí pé ìwọ yóò mú wọn yí ẹ̀yìn wọn padà nígbà tí o bá pinnu láti ta wọ́n ní ọfà.

¹³Gbígbéga ni ọ OLÚWA, nínú agbára Rẹ; a ó kọrin, a ó yín agbára a Rẹ̀.