Read Bíbélì Mímọ́ ní Èdè Yorùbá Òde-Òní Ìwé Sáàmù 24 Bible Online

Ìwé Sáàmù 24 - Bíbélì Mímọ́ ní Èdè Yorùbá Òde-Òní bible

Ìwé Sáàmù 24

¹ Ti OLÚWA ni ilẹ̀, àti ẹ̀kún Rẹ̀, ayé àti àwọn tí ó tẹ̀dó sínú Rẹ̀;

²Nítorí ó fi ìpìlẹ̀ Rẹ̀ lélẹ̀ lórí òkun ó sì gbée kalẹ̀ lórí àwọn ìṣàn omi.

³Ta ni yóò gun òrí òkè OLÚWA lọ? Ta ni yóò dúró ní ibi mímọ́ Rẹ̀?

⁴ Ẹni tí ó ní ọwọ́ mímọ́ àti àyà funfun, ẹni tí kò gbé ọkàn Rẹ̀ sókè sí asán tí kò sì búra èké.

⁵Òun ni yóò rí ìbùkún gbà láti ọ̀dọ̀ OLÚWA, àti òdodo lọ́wọ́ Ọlọ́run ìgbàlà Rẹ̀.

⁶Èyí ni ìran àwọn tí ń ṣe àfẹ́rí Rẹ̀, tí ń ṣe àfẹ́rí Rẹ̀, Ọlọ́run Jákọ́bù. Sela

⁷Ẹ gbé orí yín sókè, Áà! Ẹ̀yin ọ̀nà; Kí á sì gbe yín sókè, áà! Ẹyin ilẹ̀kùn ayérayé! Kí ọba ògo le è wọlé.

⁸Ta ni ọba ògo náà? OLÚWA tí ó lágbára tí ó sì le, OLÚWA gan-an, tí o lágbára ní ogun.

⁹Gbé orí yín sókè, áà! Ẹ̀yin ọ̀nà; Kí a sì gbé yín sókè, ẹ̀yin ìlẹ̀kùn ayérayé, Kí ọba ògo le è wọlé wá.

¹⁰Ta ni ọba ogo náà? OLÚWA àwọn ọmọ ogun Òun ni ọba ògo náà. Sela