Read Bíbélì Mímọ́ ní Èdè Yorùbá Òde-Òní Ìwé Sáàmù 45 Bible Online

Ìwé Sáàmù 45 - Bíbélì Mímọ́ ní Èdè Yorùbá Òde-Òní bible

Ìwé Sáàmù 45

¹Ọkàn mi mọ ọ̀rọ̀ rere gẹ́gẹ́ bí mo ṣe ń sọ ohun tí mo ti ṣe fún ọba ahọ́n mi ni kálámù ayára kọ̀wé.

²Ìwọ yanjú ju àwọn ọmọ ènìyàn lọ: a da oore-ọ̀fẹ́ sí ọ ní ètè: nítorí náà ni Ọlọ́run ṣe bùkún fún ọ láéláé.

³Gba idà Rẹ mọ́ ìhà Rẹ, ìwọ alágbára jùlọ wọ ara Rẹ̀ ní ògo àti ọla ńlá.

⁴Nínú ọlá-ńlá Rẹ máa gẹṣin lọ ní àlàáfíà lórí òtítọ́, ìwà tútù àti òtítọ́ jẹ́ kí ọwọ́ ọ̀tún Rẹ ṣe ohun ẹ̀rù

⁵Jẹ́ kí ọfà mímú Rẹ̀ dá ọkàn àwọn ọ̀tá ọba lu jẹ́ kí àwọn orílẹ̀ èdè ṣubú sí abẹ́ ẹsẹ̀ Rẹ̀

⁶ Ìjọba Rẹ Ọlọ́run, yóò pẹ́ títí ayé ọ̀pá aládé ni yóò jẹ́ ọ̀pá ìjọba Rẹ

⁷Ìwọ fẹ́ olódodo, ìwọ sì kórìíra ìwà búburú nígbà náà Ọlọ́run, Ọlọ́run Rẹ̀ ti yàn ọ́ ṣe olórí àwọn ẹlẹgbẹ́ Rẹ̀, nípa fífí àmì òróró ayọ̀ kùn ọ́

⁸Gbogbo aṣọ Rẹ̀ ni ó ń rùn pẹ̀lú òjíá àti alóe àti kaṣíà; láti inú ààfin tí a fi eyín erin ṣe orin olókùn tẹ́ẹ́rẹ́ mú inú Rẹ̀ dùn.

⁹Àwọn ọmọbìnrin àwọn aládé wà nínú àwọn àyànfẹ́ Rẹ̀ ní ọwọ́ ọ̀tún Rẹ̀ ni ayaba náà gbé dúró nínú wúrà ófórì.

¹⁰Gbọ́ ìwọ ọmọbìnrin, ronú kí o sì dẹtí Rẹ̀ sími gbàgbé àwọn ènìyàn Rẹ àti ilé baba Rẹ

¹¹Bẹ́ẹ̀ ni ọba yóò fẹ́ ẹwà Rẹ gidigidi nítorí òun ni OLÚWA Rẹ kí ìwọ sì máa tẹríba fún un.

¹²Ọmọbìnrin ọba tirẹ̀ yóò wá pẹ̀lú ẹ̀bùn àwọn ọkùnrin ọlọ́rọ̀ yóò máa wá ojú rere Rẹ̀.

¹³Gbogbo ògo ni ti ọmọbìnrin ọba ní àárin ilé Rẹ̀ aṣọ ìbalẹ̀ Rẹ̀ a ṣe é lọ́sọ̀ọ́ pẹ̀lú wúrà

¹⁴Nínú aṣọ ìbànújẹ́ iyebíye ni a mú-un wá sí ọ̀dọ̀ ọba àwọn wúndíá ẹgbẹ́ Rẹ̀ tẹ̀ lé e wọ́n, sí mú-un tọ̀ ọ́ wá

¹⁵Wọ́n sì mú un wá pẹ̀lú ayọ̀ àti inú dídùn wọ́n sì wọ ààfin ọba.

¹⁶Ọmọ Rẹ̀ ni yóò gba ipò baba Rẹ̀ ìwọ yóò sì fi wọ́n joyè lórí ilẹ̀ gbogbo.

¹⁷Èmí yóò máa rántí orúkọ Rẹ̀ ní ìran gbogbo nígbà náà ni orílẹ̀ èdè yóò yìn ọ́ láé àti láéláé.