Read Bíbélì Mímọ́ ní Èdè Yorùbá Òde-Òní Ìwé Sáàmù 50 Bible Online

Ìwé Sáàmù 50 - Bíbélì Mímọ́ ní Èdè Yorùbá Òde-Òní bible

Ìwé Sáàmù 50

¹OLÚWA, Ọlọ́run Alágbára sọ̀rọ̀ kí o sì pè ayé jọ láti ìlà oorùn títí dé ìwọ̀ Rẹ̀.

²Láti Síónì wá, pípé ni ẹwà, Ọlọ́run tí ń tan ìmọ́lẹ̀

³Ọlọ́run ń bọ̀ bẹ́ẹ̀ ni kì yóò dákẹ́, iná yóò máa jó níwájú Rẹ̀, àti ní àyíká Rẹ̀ ni ẹ̀fúfù líle yóò ti máa jà ká.

⁴Yóò sì pe àwọn ọ̀run láti òkè wá jọ àti ayé, kí o le máa ṣe ìdárò àwọn ènìyàn Rẹ̀.

⁵“Kó àwọn ènìyàn mímọ́ jọ fún mi àwọn tí wọn fi ẹbọ dá májẹ̀mú fún mi”.

⁶Àwọn ọ̀run sọ̀rọ̀ òdodo Rẹ̀, Nítorí òun fúnrarẹ̀ ni onídàájọ́

⁷Ẹ gbọ́, ẹ̀yin ènìyàn mi, èmi yóò si sọ̀rọ̀, ìwọ Ísírẹ́lì, èmi yóò jẹrìí sí ọ: èmi ní Ọlọ́run, àní Ọlọ́run Rẹ.

⁸Èmi kí yóò bá ọ wí nítorí àwọn ìrúbọ Rẹ̀ tàbí ọrẹ̀ ẹbọ sísun Rẹ, èyí tí ó wà níwájú mi ní ìgbà gbogbo.

⁹Èmí kò fẹ́ kí ó mú akọ màlúù láti inú ilé tí ó kọ fún un tàbí kí o mú ewúré láti inú agbo ẹran Rẹ̀

¹⁰Nítorí gbogbo ẹran igbó ni tèmí àti ẹran ọ̀sìn lórí ẹgbẹ̀rún òkè.

¹¹Èmi mọ gbogbo ẹyẹ ní orí àwọn òkè ńlá àti gbogbo ẹ̀dá alààyé tí ó wà ní orí ilẹ ni tèmi

¹²Bí ebi tílẹ̀ ń pá mí, èmi kì yóò sọ fún ọ, nítorí ayé ni tèmi àti ohun gbogbo tí ó wa ní inú Rẹ̀.

¹³Ǹjẹ èmi yóò ha jẹ ẹran akọ màlúù tàbí mú ẹ̀jẹ̀ ewúrẹ́?

¹⁴Rú ẹbọ ọrẹ sí Ọlọ́run san ẹ̀jẹ̀ Rẹ fún ọ̀gá ògo,

¹⁵Kí o sì pe mí ni ọjọ́ ìpọ́njú, èmi yóò gbà ọ́, ìwọ yóò sì bu ọlá fún mi.

¹⁶Ṣùgbọ́n Ọlọ́run sọ fún àwọn ènìyàn búburú: “Kí ní ẹ̀tọ́ tí o ní tí ìwọ fi ń tún àwọn ìlànà mi sọ tàbí tí ìwọ sì ń sọ májẹ̀mu mi ní ẹnu Rẹ?

¹⁷Ìwọ kórìíra àsẹ mi ìwọ sì sá ọ̀rọ̀ mí tì sí apá kan

¹⁸Nígbà tí ìwọ rí olè, ìwọ dára pọ̀ mọ́-ọn ìwọ sì da ara Rẹ̀ dé àwọn alágbèrè

¹⁹Ìwọ lo ẹnu Rẹ̀ fún aburú ìwọ sì ń fi ahọ́n Rẹ pète ẹ̀tàn

²⁰Ní ìgbà gbogbo ìwọ ń sọ̀rọ̀ sí ará-kun-rin Rẹ, ìwọ sì ń ba orúkọ ọmọ ìyá Rẹ jẹ́

²¹Àwọn nǹkan wọ̀nyí ni ìwọ ti ṣe, mo sì dákẹ́; ìwọ rò pé mo jẹ́ irú kan náà bí ìrẹ, ṣùgbọ́n èmi yóò bá ọ wí èmi yóò sì fi ẹ̀sùn kàn ọ́ ní ojú ara Rẹ.

²²“Ǹjẹ́ ìwọ ro èyí wò, ẹ̀yin tí ó gbàgbé Ọlọ́run Bí bẹ́ ẹ̀ kọ́ èmi yóò fa yin ya pẹ́rẹ́pẹ̀rẹ́ láì sí ẹni tí yóò gbà yin sílẹ̀

²³Ẹni tí ó ba ní ẹbọ ọrẹ ọpẹ́ bu ọlá fún mi; kí ó sì tún ọ̀nà Rẹ̀ ṣe kí èmi kí ó le fi ìgbàlà Ọlọ́run hàn án.”