Read Bíbélì Mímọ́ ní Èdè Yorùbá Òde-Òní Ìwé Sáàmù 53 Bible Online

Ìwé Sáàmù 53 - Bíbélì Mímọ́ ní Èdè Yorùbá Òde-Òní bible

Ìwé Sáàmù 53

¹ Asiwèrè wí ní ọkàn Rẹ̀ pé: “Ọlọ́run kò sí.” Wọ́n bàjẹ́, gbogbo ọ̀nà wọn sì burú; kò sì sí ẹnìkan tí ń ṣe rere.

²Ọlọ́run bojú wo ilẹ̀ láti ọ̀run sórí àwọn ọmọ ènìyàn láti wò bóyá ẹnìkan wà tí ó ní òye, tí ó sì ń wá Ọlọ́run.

³Gbogbo ènìyàn tí ó ti yí padà, wọ́n ti parapọ̀ di ìbàjẹ́; kò sí ẹnìkan tí ó ń ṣe rere, kò sí ẹnìkan.

⁴Ṣé àwọn oníṣẹ́ búburú kò ní ìmọ̀? Àwọn ẹni tí ń jẹ ènìyàn mi, bí ẹni jẹun tí wọn kò sì pe Ọlọ́run?

⁵Níbẹ̀ ni ìwọ gbé wà ní ìbẹ̀rù ńlá níbì tí ẹ̀rù kò gbé sí nítorí Ọlọ́rún tí fọ́n egungun àwọn tí ó dótì ọ́ ká; ìwọ tí dójú tì wọ́n, nítorí Ọlọ́run ti kẹ́gàn wọn.

⁶Ìgbàlà Ísírẹ́lì ìbá jáde wá láti Síónì! Nígbà tí Ọlọ́run bá mú ohun ìní àwọn ènìyàn Rẹ̀ padà, jẹ́ kí Jákọ́bù yọ̀ kí inú Ísírẹ́lì sì máa dùn!