Read Bíbélì Mímọ́ ní Èdè Yorùbá Òde-Òní Ìwé Sáàmù 65 Bible Online

Ìwé Sáàmù 65 - Bíbélì Mímọ́ ní Èdè Yorùbá Òde-Òní bible

Ìwé Sáàmù 65

¹Ìyìn ń dúró dè ọ́, Ọlọ́run, ni Síónì; sì ọ ni a o mú ẹ̀jẹ́ wa ṣẹ.

²Ìwọ tí o ń gbọ́ àdúrà, gbogbo ènìyàn yóò sì wá sọ́dọ̀ Rẹ.

³Ọ̀ràn àìṣedédé borí mi bí ó ṣe ti ìrékọjá wa ni! Ìwọ ni yóò wẹ̀ wọ́n nù kúrò

⁴Ìbùkún ni fún àwọn tí o yàn tí o mú wa láti máa gbé àgọ́ Rẹ! A tẹ wá lọ́rùn pẹ̀lú ohun rere inú ilé Rẹ, ti tẹ́ḿpìlì mímọ́ Rẹ.

⁵Ìwọ dá wa lóhùn pẹ̀lú ohùn ìyanu ti òdodo, Ọlọ́run olùgbàlà wa, ìrètí gbogbo òpin ayé àti àwọn tí ó jìnnà nínú òkun,

⁶Ìwọ tí ó dá òkè nípa agbára Rẹ tí ó di ara Rẹ̀ ní àmùrè agbára

⁷Ẹni tí ó mú ríru omi òkun dákẹ́ ríru ariwo omi wọn, àti gìdìgìdì àwọn ènìyàn

⁸Àwọn tí ó ń gbé òkèrè bẹ̀rù agbára Rẹ̀: ìwọ mú ìjáde òwúrọ̀ àti ti àṣálẹ̀ yọ ìwọ pé orin ayọ̀ jáde.

⁹Ìwọ bẹ ayé wò, o sì bomirin; ìwọ mú ní ọ̀rọ̀ púpọ̀. Ọ̀dọ̀ Ọlọ́run kún fún omi láti pèsè ọkàn fún àwọn ènìyàn, nítorí ibẹ̀ ní ìwọ ti yàn án.

¹⁰Ìwọ fi ìrinmi sí aporo Rẹ ìwọ tẹ́ ògúlùtù Rẹ; ìwọ fi òjò mú ilẹ̀ Rẹ rọ̀ o sì bùkún ọ̀gbìn Rẹ.

¹¹Iwọ fi oore Rẹ de ọdún ni adé, ọ̀rá ń kan ni ipa-ọ̀nà Rẹ

¹²Pápá-tútù ni ihà ń kán: àwọn òkè kékèké fi ayọ̀ di ara wọn ni àmùrè.

¹³Agbo ẹran ni a fi wọ pápá tútù náà, ni asọ; àfonífojì ni a fi ọkà bò mọ́lẹ̀, wọn hó fún ayọ̀, wọn ń kọrin pẹ̀lú.