Read Bíbélì Mímọ́ ní Èdè Yorùbá Òde-Òní Ìwé Sáàmù 72 Bible Online

Ìwé Sáàmù 72 - Bíbélì Mímọ́ ní Èdè Yorùbá Òde-Òní bible

Ìwé Sáàmù 72

¹Fi ìdájọ́ fún àwọn ọba, Ọlọ́run, ọmọ aládé ni ìwọ fi òdodo Rẹ fún

²Yóò ṣe ìdàjọ́ àwọn ènìyàn Rẹ̀ pẹ̀lú òdodo yóò sì máa fi ẹ̀tọ́ ṣe ìdájọ́ àwọn talákà Rẹ

³Àwọn òkè ńlá yóò máa mú àlàáfíà fún àwọn ènìyàn àti òkè kékèké nípa òdodo

⁴Yóò dábò bò àwọn tí a pọ́n lójú láàrin àwọn ènìyàn yóò gba àwọn ọmọ aláìní; yóò sì fa àwọn aninilára ya.

⁵Àwọn òtòsì àti aláìní yóò máa fi ọ̀wọ̀ ńlá fún ọ nígbà gbogbo, níwọ̀n ìgbà tí oòrùn àti òṣùpá bá ń ràn, yóò ti pẹ́ tó, láti ìran díran.

⁶Yóò dàbí òjò tí o ń rọ̀ sórí pápá ìrẹ́mọ́lẹ̀ Bí ọwọ́ òjò tó ń rin ilẹ̀

⁷Àwọn olódodo yóò gbilẹ̀ ni ọjọ́ Rẹ̀ ọ̀pọ̀lọpọ̀ àlàáfíà yóò sì wà; títí tí oṣùpá kò fi ní sí mọ́

⁸Yóò máa jọba láti òkun dé òkun àti láti odò títí dé òpin ayé.

⁹Àwọn tí ó wà ní ihà yóò tẹríba fún un àwọn ọ̀ta Rẹ̀ yóò máa lá erùpẹ̀ ilẹ̀.

¹⁰Àwọn ọba Táṣíṣì àti tí erékùṣù wọn yóò mú ọrẹ wá fún un; àwọn ọba Ṣéba àti Síbà wọn o mú ẹ̀bùn wá fún-un.

¹¹Gbogbo ọba yóò tẹríba fún-un àti gbogbo orílẹ̀ èdè yóò sìn ín.

¹²Nítorí yóò gba àwọn aláìní nígbà tí ó bá ń ké, tálákà àti ẹní tí kò ni olùrànlọ́wọ́.

¹³Yóò káànú àwọn aláìlera àti aláìní yóò pa aláìní mọ́ kúrò nínú ikú.

¹⁴Yóò ra ọkàn wọn padà lọ́wọ́ ẹ̀tàn àti ipá nítorí ẹ̀jẹ̀ wọn ṣọ̀wọ́n níwájú Rẹ.

¹⁵Yóò sì yè pẹ́! A ó sì fún un ní wúrà Ṣébà. Àwọn ènìyàn yóò sì máa gbàdúrà fún-un nígbà gbogbo kí a sì bùkún fún-un lójojúmọ́.

¹⁶Kí ìkúnwọ́ ọkà wà lórí ilẹ̀; ní orí òkè ni kí ó máa dàgbà kí èso Rẹ̀ kí o gbilẹ̀ bí ti Lébánónì yóò máa gbá yìn-ìn bí koríko ilẹ̀.

¹⁷Kí orúkọ Rẹ̀ kí o wà títí láé; orúkọ Rẹ̀ yóò máa gbilẹ̀ níwọn bí òòrùn yóò ti pẹ́ tó; wọn ó sì máa bùkún fún ara wọn nipaṣẹ̀ Rẹ. Gbogbo àwọn orílẹ̀-èdè ní yóò máa pè mí ní alábùkún fún.

¹⁸Olùbùkún ní OLÚWA Ọlọ́run, Ọlọ́run Ísírẹ́li, ẹnìkan ṣoṣo tí ó n ṣe ohun ìyanu.

¹⁹Olùbùkun ni orúkọ Rẹ tí ó lógo títí láé; kí gbogbo ayé kún fún ògo Rẹ. Àmín àti Àmín.

²⁰Èyí ni ìpàrí àdúrà Dáfídì ọmọ Jéṣè.