Read Bíbélì Mímọ́ ní Èdè Yorùbá Òde-Òní Ìwé Sáàmù 76 Bible Online

Ìwé Sáàmù 76 - Bíbélì Mímọ́ ní Èdè Yorùbá Òde-Òní bible

Ìwé Sáàmù 76

¹Ní Júdà ni a mọ Ọlọ́run; orúkọ Rẹ̀ sì lágbára ní Ísírẹ́lì

²Àgọ́ Rẹ̀ wà ní Sálẹ́mù, ibùgbé Rẹ̀ ní Síónì.

³Níbẹ̀ ní o ṣẹ́ ọfà, asà àti àwọn idà, ohun ìjà ogun. Sela

⁴Iwọ ni ògo àti ọlá Ju òkè-ńlá íkogun wọ̀nyìí lọ.

⁵Àwọn akíkanjú ọkùnrin A kó àwọn akíkanjú ogun ní ìkógun wọn sún oorun ìgbẹ̀yìn wọn; kò sí ọ̀kan nínú àwọn ajagun tó lè gbé ọwọ́ Rẹ̀ sókè.

⁶Ní ìfìbú Rẹ, Ọlọ́run Jákọ́bù, àwọn ẹsin àti kẹ̀kẹ́ ogun sì dúbúlẹ̀ ṣíbẹ̀.

⁷Ìwọ nìkan ni o yẹ kí a bẹ̀rù. Ta ló lé dúró níwájú Rẹ nígbà tí ìwọ bá ń bínú?

⁸Ìwọ ń ṣe ìdàjọ́ láti ọ̀run, ilé ayé bẹ̀rù, ó sì dúró jẹ́ ẹ́:

⁹Nígbà tí, ìwọ Ọlọ́run, bá dìde láti ṣe ìdájọ́, láti gba àwọn ẹni ìnílára ilẹ̀ náà. Sela

¹⁰Lóòtọ́, ìbínú Rẹ̀ sí àwọn ènìyàn ń mú ìyìn wá fún ọ, ẹni tí ó yọ nínú ìbínú Rẹ ní a dá nígbà tí ìwọ bá fi ìbínú ìyókù di ara Rẹ ni àmùrè.

¹¹Jẹ́ ẹ̀jẹ́ sí OLÚWA Ọlọ́run Rẹ kí o sì mú-un ṣẹ; kí gbogbo àwọn tí ó yíi ká mú ẹ̀bùn wá fún ẹni tí o tọ́ láti bẹ̀rù.

¹²Ó ké ẹ̀mí àwọn aládé kúrò; àwọn ọba ayé sì n bẹ̀rù Rẹ̀.