Read Bíbélì Mímọ́ ní Èdè Yorùbá Òde-Òní Ìwé Sáàmù 81 Bible Online

Ìwé Sáàmù 81 - Bíbélì Mímọ́ ní Èdè Yorùbá Òde-Òní bible

Ìwé Sáàmù 81

¹Kọrin sókè sí Ọlọ́run agbára wa Ẹ hó ìhó ayọ̀ sí Ọlọ́run Jákọ́bù!

²Ẹ mú orin mímọ́, kí ẹ sì mú ìlù wá tẹ dùùrù dídùn pẹ̀lú ohun èlò orin mímọ́.

³Ẹ fún ìpè ni oṣù tuntun àní nígbà ti a yàn; ní ọjọ́ àjọ wa ti ó ni ìrònú.

⁴Èyí ni àṣẹ fún Ísírẹ́lì, àti òfin Ọlọ́run Jákọ́bù.

⁵Ó fi múlẹ̀ gẹ́gẹ́ bí ìlànà fún Jósẹ́fù nígbà tí ó la ìlẹ̀ Éjíbítì já níbi tí a ti gbọ́ èdè tí kò yé wa.

⁶Ó wí pé, “Mo gbé àjàgà kúro ní èjìká yín, a tú ọwọ́ wọn sílẹ̀ kúrò nínú apẹ̀rẹ̀.

⁷Nínú ìnilára ni ẹ pè mo sì gbà yín là, mo dá a yín lóhùn nínú ìkọ̀kọ̀ àrá, mo dán an yín wò ní odò Méríbà. Sela

⁸“Gbọ́, ẹ̀yin ènìyàn mi, èmi ó sì kìlọ̀ fún un yín, bí ìwọ bá fetí sí mi, ìwọ Ísírẹ́lì.

⁹Ẹ̀yin kì yóò ní Ọlọ́run ilẹ̀ mìíràn láàrin yín; ẹ̀yin kì yóò foríbalẹ̀ fún Ọlọ́run àjèjì.

¹⁰Èmi ni OLÚWA Ọlọ́run Rẹ, ẹni tí ó mú un yín jáde láti Éjíbítì. Ẹ la ẹnu yín gbòòrò, èmi yóò sì kún un.

¹¹“Ṣùgbọ́n àwọn ènìyàn mi kì yóò gbọ́ tèmi; Ísírẹ́lì kò ní tẹríba fún mi.

¹²Nítorí náà ni mo ṣe fi wọ́n fún ọkàn líle wọn láti máa rìn ní ọ̀nà ẹ̀tàn wọn.

¹³“Bí àwọn ènìyàn mi yóò bá gbọ́ tèmi bí Ísírẹ́lì yóò bá tẹ̀lé ọ̀nà mi,

¹⁴Ní kánkán ni èmi yóò ṣẹ́gun àwọn ọ̀tá wọn kí ń sì yí ọwọ́ mi padà sí ọ̀tá wọn!

¹⁵Àwọn tí ó kórìíra OLÚWA yóò tẹríba níwájú Rẹ̀. Ìjìyà wọn yóò sì pẹ́ títí láé

¹⁶Ṣùgbọ́n a ó fi ọkà tí ó dára bọ́ ọ́ yín èmi ó tẹ́ ẹ yín lọ́rùn pẹ̀lú oyin inú àpáta.”