Read Bíbélì Mímọ́ ní Èdè Yorùbá Òde-Òní Ìwé Sáàmù 82 Bible Online

Ìwé Sáàmù 82 - Bíbélì Mímọ́ ní Èdè Yorùbá Òde-Òní bible

Ìwé Sáàmù 82

¹Ọlọ́run ń ṣàkóso nínú ìpéjọpọ̀ ńlá, ó ṣe ìdájọ́ láàárin àwọn “ọlọ́run òrìṣà”:

²“Yóò ti pẹ́ tó tí ìwọ yóò máa gbèjà àwọn aláìsòdodo kí ó sì ṣe ojú ìṣájú sí àwọn ènìyàn búburú?

³Gbèjà àwọn aláìlágbára àti aláìní baba; ṣe ìtọ́jú ẹ̀tọ́ àwọn aláìní àti ẹni ìnilára.

⁴Gba àwọn aláìlágbára àti aláìní; gbà wọ́n kùró lọ́wọ́ àwọn ènìyàn búburú.

⁵“Wọn kò mọ̀ ohunkankan, wọn kò lóye ohunkankan. Wọn ń rìn kiri nínú òkùnkùn; a ni gbogbo ìpínlẹ̀ ayé.

⁶ “Mo wí pé, ‘Ẹyin ní “Ọlọ́run òrìṣà”; ẹ̀yin ní gbogbo ọmọ ọ̀gá ògo jùlọ.’

⁷Ṣùgbọ́n ẹ̀yin o kú bí ènìyàn lásán; ẹ̀yin ó ṣubú bí ọ̀kan nínú ọmọ aládé.”

⁸Dìde Ọlọ́run ṣe ìdájọ́ ayé, nítorí gbogbo orílẹ̀ èdè ni ìní Rẹ.