Read Bíbélì Mímọ́ ní Èdè Yorùbá Òde-Òní Ìwé Sáàmù 83 Bible Online

Ìwé Sáàmù 83 - Bíbélì Mímọ́ ní Èdè Yorùbá Òde-Òní bible

Ìwé Sáàmù 83

¹Ọlọ́run, Má ṣe dákẹ́; Má ṣe dákẹ́, Ọlọ́run má ṣe dúró jẹ́ ẹ́.

²Wo bí àwọn ọ̀tá Rẹ ti ń rọ́kẹ̀kẹ̀ lọ, bi àwọn ọ̀tá Rẹ ti ń gbé ohùn wọn sókè.

³Pẹ̀lú àrékérekè ni wọn dìtẹ̀ sí àwọn ènìyàn Rẹ; wọn gbìmọ̀ lòdì sí àwọn tí ó fẹ.

⁴Wọn wí pé, “wá,” ẹ jẹ́ kí a pa wọn run bí orílẹ̀ èdè, kí orúkọ Ísírẹ́lì ma bá a sí ní ìrántí mọ́.

⁵Wọn gbìmọ̀ pọ̀ pẹ̀lú ọkàn kan; wọ́n ṣe àdéhùn láti ṣọ̀tẹ̀ sí ọ

⁶Àgọ́ Édómù àti ti àwọn ara Íṣímaélì, tí Móábù àti ti Hágárì

⁷Gébálì, Ámónì àti Ámálékì, Fílítísitíà, pẹ̀lú àwọn ènìyàn Tirẹ̀.

⁸Áṣurí pẹ̀lú tí darapọ̀ mọ́ wọn láti ràn àwọn ọmọ Lọ́ọ̀tì lọ́wọ́. Sela

⁹Ṣe sí wọn bí ìwọ ti ṣe sí Mídíánì bí o ti ṣe sí Sísérà àti Jábínì ní òdò Kíṣíónì,

¹⁰Ẹni tí ó ṣègbé ní Éndórí tí wọn sì dàbí ààtàn ní orí ilẹ̀.

¹¹Ṣe àwọn ọlọ́lá wọn bí Orébù àti Séébù, àwọn ọmọ aládé wọn bí Ṣébà àti Sálmúnà,

¹²Tí ó wí pé, “Ẹ jẹ́ kí a gbà ní ìní Ẹni pápá oko tútù Ọlọ́run.”

¹³Ìwọ Ọlọ́run, Ṣe wọn bí ààjà, bí ìyàngbò níwájú afẹ́fẹ́.

¹⁴Bí ìna ti i jó ìgbẹ́ ìgbó àti bí ọ̀wọ́ iná ti ń mú òkè-ńlá gbiná,

¹⁵Bẹ́ẹ̀ ni kí o fi ẹ̀fúùfù líle Rẹ lépa wọn ja wọn lójú pẹ̀lú ìjì Rẹ

¹⁶fi ìtìjú kún ojú wọn kí àwọn ènìyàn báà lè ṣe àfẹ́rí orúkọ Rẹ àti kí o fí ìjì líle Rẹ dẹ́rùbà ìwọ OLÚWA.

¹⁷Jẹ́ kí ojú kí ó ti wọn, kí wọ́n sì dáámù láéláé kí wọ́n ṣègbé sínú ẹ̀gàn

¹⁸Jẹ́ kí wọn mọ̀ pé ìwọ, tí orúkọ Rẹ̀ ń jẹ́ OLÚWA: pé ìwọ níkan ní Ọ̀gá-ògo jùlọ lórí gbogbo ayé.