Read Bíbélì Mímọ́ ní Èdè Yorùbá Òde-Òní Ìwé Sáàmù 90 Bible Online

Ìwé Sáàmù 90 - Bíbélì Mímọ́ ní Èdè Yorùbá Òde-Òní bible

Ìwé Sáàmù 90

¹OLÚWA, ìwọ ti jẹ́ ibùgbé wa ní gbogbo ìrán dé ìran.

²Kí a to bí àwọn òkè nla àti kí ìwọ tó dá ilẹ̀ àti ayé, láti ayérayé dé ayérayé ìwọ ni Ọlọ́run.

³Ìwọ yí ènìyàn padà sí erùpẹ̀, wí pé “padà sí erùpẹ̀, ìwọ ọmọ ènìyàn”.

⁴ Nítorí pé ìgbà tí ẹgbẹ̀rún ọdún bá kọjá lójú Rẹ, bí àná ni ó rí, bí ìgbà ìṣọ́ kan lóru.

⁵Ìwọ gbá ènìyàn dánù nínú oorun ikú; wọ́n dàbí koríko tuntun ní òwúrọ̀.

⁶Lótìítọ́ ní òwúrọ́ ó yọ tuntun ní àsálẹ́ ní yóò gbẹ tí yóò sì Rẹ̀ dànù.

⁷A pa wá run nípa ìbínú Rẹ nípa ìbínú Rẹ ara kò rọ̀ wá.

⁸Ìwọ ti gbé ẹ̀ṣẹ̀ wa ka iwájú Rẹ, àti ohun ìkọ̀kọ̀ wà nínú ìmọ́lẹ̀ iwájú Rẹ,

⁹Gbogbo ọjọ́ wa ń kọjá lọ lábẹ́ ìbínú Rẹ; àwa n lo ọjọ wá lọ bí àlá ti a ń rọ́.

¹⁰Àádọ́rin ọdún ni iye ọjọ́ ọdún: wá, tí ó sì ṣe pé nipa agbára tí wọn bá tó ọgọrìn ọdún agbára wọn làálàá pẹ̀lú ìbànújẹ́ ni nítorí pé a kò ni gé e kúrò, àwa a sì fò lọ.

¹¹Ta ni ó mọ agbára ìbínú Rẹ? Gẹ́gẹ́ bí ẹ̀rù Rẹ, bẹ́ẹ̀ ni ìbínú Rẹ.

¹²Kọ́ wa bí a ti ń kàye ọjọ́ wa dáradára, kí àwa bá a le fi ọkàn wa sípa ọgbọ́n.

¹³Yípadà, OLÚWA! Yóò ti pẹ́ to? Ṣàánú fún àwọn ọmọ ọ̀dọ̀ Rẹ.

¹⁴Tẹ́wa lọ́rùn ní òwúrọ̀ nínú ìṣeun ìfẹ́ Rẹ, kí àwa kí o le kọrin fún ayọ̀ kí inú wa sì dùn ní gbogbo ọjọ́.

¹⁵Mú inú wa dùn bí ọjọ́ tí ìwọ ti pọ́n wa lójú, fún ọjọ́ pípọ̀ tí àwa ti rí wàhálà.

¹⁶Jẹ́ kí a fi iṣẹ́ Rẹ̀ hàn àwọn ọmọ ọ̀dọ̀ Rẹ̀, ògo Rẹ̀ sì àwọn ọmọ wọn.

¹⁷Jẹ́ kí ẹwa OLÚWA Ọlọ́run wa wà lára wa; fí ìdí iṣẹ ọwọ́ wa múlẹ̀ lára wa bẹ́ẹ̀ ní kí ó sì ìdí iṣẹ́ ọwọ́ wa múlẹ̀.