Read Bíbélì Mímọ́ ní Èdè Yorùbá Òde-Òní Ìwé Sáàmù 95 Bible Online

Ìwé Sáàmù 95 - Bíbélì Mímọ́ ní Èdè Yorùbá Òde-Òní bible

Ìwé Sáàmù 95

¹Ẹ wá, ẹ jẹ́ kí a kọ orin ayọ̀ sí OLÚWA Ẹ jẹ́ kí a kígbe sókè sí àpáta ìgbàlà wa.

²Ẹ jẹ́ kí a wá sí ìwájú Rẹ̀ pẹ̀lú ọpẹ́ kí a sì pòkìkí Rẹ̀ pẹ̀lú ohun èlò orin àti ìyìn.

³Nítorí OLÚWA Ọlọ́run títóbi ni, ọba tí ó tóbi ju gbogbo òrìṣà lọ.

⁴Ní ọwọ́ Rẹ̀ ni ọ̀gbun ilẹ̀ wà, ṣóńṣó orí òkè tirẹ̀ ní ṣe.

⁵Tirẹ̀ ni òkun, nítorí òun ni ó dá a àti ọwọ́ Rẹ̀ ni ó fi dá ìyàngbẹ ilẹ̀.

⁶Ẹ wá, ẹ jẹ́ kí a forí balẹ̀ kí a sìn-ín, Ẹ jẹ́ kí a kúnlẹ̀ níwájú OLÚWA ẹni tí ó dá wa;

⁷ Nítorí òun ni Ọlọ́run wa àwa sì ni ènìyàn pápá Rẹ̀, àti ọ̀wọ́ ẹran ni abẹ́ ìpamọ́ Rẹ̀ Lónìí ti ìwọ bá gbọ́ ohùn Rẹ̀,

⁸Ẹ má ṣe sé ọkàn yín le gẹ́gẹ́ bí ẹ ti ṣe ní Méríbà, àti bí ẹ ti ṣe ní ọjọ́ náà ni Másà ni ihà,

⁹Nígbà ti àwọn baba yin dán mi wò ti wọn wádìí mi, ti wọn sì ri iṣẹ́ mi

¹⁰Fún ogójì ọdún ni èmi fi bínú sí ìran náà; mo wí pé, “Wọ́n jẹ́ ènìyàn tí ọkàn wọn sáko lọ wọn kò sì mọ ọ̀nà mi”.

¹¹Nítorí náà ni mo kéde ìbúra nínú ìbínú mi “Wọn kì yóò wọ ibi ìsinmi mi.”