Read Bíbélì Mímọ́ ní Èdè Yorùbá Òde-Òní Ìwé Sáàmù 98 Bible Online

Ìwé Sáàmù 98 - Bíbélì Mímọ́ ní Èdè Yorùbá Òde-Òní bible

Ìwé Sáàmù 98

¹Ẹ kọrin túntún sí OLÚWA, nítorí tí ó ṣe ohun ìyanu; ọwọ́ ọ̀tún Rẹ̀ àti apa mímọ́ Rẹ̀ o ṣe iṣẹ́ ìgbàlà fún un

²OLÚWA ti sọ ìgbàlà Rẹ̀ di mímọ̀ o fí òdodo Rẹ̀ han àwọn orílẹ̀ èdè.

³Ó rántí ìfẹ́ Rẹ̀ àti òtítọ́ Rẹ̀ fún àwọn ará ilé Ísírẹ́lì; gbogbo òpin ayé ni ó ti rí iṣẹ́ ìgbàlà Ọlọ́run wa.

⁴Ẹ hó ìhó ayọ̀ sí OLÚWA, gbogbo ayé, ẹ bu sáyọ̀, ẹ kọrin ìyìn

⁵Ẹ fi dùùrù kọrin sí OLÚWA, pẹ̀lú dùùrù àti ìró ohùn orin mímọ́,

⁶Pẹ̀lú ìpè àti fèrè ẹ hó fún ayọ̀ níwájú OLÚWA Ọba.

⁷Jẹ́ kí òkun kí o hó pẹ̀lú gbogbo ohun tí ó wà nínú Rẹ̀, Gbogbo ayé àti gbogbo àwọn tí ń gbé inú Rẹ̀.

⁸Ẹ jẹ́ kí odo kí ó sápẹ́, ẹ jẹ́ kí òkè kí o kọrin pẹ̀lú ayọ̀;

⁹Ẹ jẹ́ kí wọn kọrin níwájú OLÚWA Nítorí tí yóò wá ṣè dájọ́ ayé bẹ́ẹ̀ ni yóò ṣe ìdájọ́ àwọn orílẹ̀-èdè nínú òdodo àti àwọn ènìyàn ní àìṣègbè pẹ̀lú.