Read Bíbélì Mímọ́ ní Èdè Yorùbá Òde-Òní Ìwé Oníwàásù 4 Bible Online

Ìwé Oníwàásù 4 - Bíbélì Mímọ́ ní Èdè Yorùbá Òde-Òní bible

Ìwé Oníwàásù 4

¹Mo sì tún wò ó, mo sì ri gbogbo ìnilára tí ó ń ṣẹlẹ̀ lábẹ́ oòrùn: mo rí ẹkún àwọn tí ara ń ni, wọn kò sì ní Olùtùnú kankan, agbára wà ní ìkápá àwọn tí ó ń ni wọ́n lára wọn kò sì ní olùtùnú kankan.

²Mo jowú àwọn tí wọ́n ti kú tí wọ́n sì ti lọ, ó ṣàn fún wọn ju àwọn tí wọ́n sì wà láàyè lọ.

³Nítòótọ́, ẹni tí kò tí ì sí sàn ju àwọn méjèèjì lọ: ẹni tí kò tí ì rí iṣẹ́ búburú tí ó ń lọ ní abẹ́ oòrun.

⁴Mo sì tún mọ̀ pẹ̀lú, ìdí tí ènìyàn fi ń ṣiṣẹ́ tagbáratagbára láti ṣe àṣeyọrí, nítorí pé wọn ń jowú àwọn aládùgbò wọn ni. Ṣùgbọ́n, aṣán ni, ó dàbí ẹni ń gbìyànjú àti mú afẹ́fẹ́.

⁵Aṣiwèrè ká ọwọ́ rẹ̀ kò ó sì ba tara rẹ̀ jẹ́.

⁶Oúnjẹ ẹ̀kúnwọ́ kan pẹ̀lú ìdákẹ́jẹ́jẹ́ pèlú wàhálà, àti gbígba ìyànjú àti lé afẹ́fẹ́ lọ.

⁷Lẹ́ẹ̀kan síi mo tún rí ohun asán kan lábẹ́ oòrùn:

⁸Ọkùnrin kan dá wà, kò ní ọmọkùnrin kankan tàbí ẹbí wàhálà rẹ̀ kò lópin, ṣíbẹ̀, ọ̀rọ̀ ohun ìní rẹ̀ kò tẹ́ ẹ lọ́rùn, ó bèèrè pé, “Nítorí ta ni mo ṣe ń ṣe wàhálà” “àti wí pé kí ni ìdí tí mo fi ń fi ìgbádùn du ara mi?” Eléyìí náà aṣán ni iṣẹ́ ìbànújẹ́ ni.

⁹Ẹni méjì ṣàn ju ẹnìkan, nítorí wọ́n ní ààbò rere fún iṣẹ́ wọn:

¹⁰Tí ọ̀kan bá ṣubú lulẹ̀, ọ̀rẹ́ rẹ̀ le è ràn án lọ́wọ́ kí ó fàá sókè, ṣùgbọ́n ìyọnu ni fún ọkùnrin náà tí ó ṣubú tí kò sì ní ẹni tí ó le è ràn-án lọ́wọ́!

¹¹Àti pẹ̀lú pé, bí ẹni méjì bá ṣùn pọ̀, wọn yóò móoru. Ṣùgbọ́n báwo ni ẹnìkan ṣe le è dá nìkan móoru?

¹²Bí ó ti lẹ̀ jẹ́ pé, a le è kojú ogun ẹnìkan, àwọn méjì le è gbìjà ara wọn, ìkọ́ okùn mẹ́ta kì í dùn-ún yàra fà já

¹³Òtòsì ìpẹ́ẹ̀rẹ̀ tí ó ṣe ọlọ́gbọ́n, ó ṣàn ju arúgbó àti aṣiwèrè ọba lọ tí kò mọ bí yóò ti ṣe gba ìmọ̀ràn,

¹⁴Nítorí pé láti inú túbú ni ó ti jáde ìjọba, bí a tilẹ̀ bí i ní talákà ní ìjọba rẹ̀.

¹⁵Mo rí gbogbo alààyè tí ń rìn lábẹ́ oòrùn, pẹ̀lú ìpẹ́ẹ̀rẹ̀ kejì tí yóò gba ipò ọba yìí.

¹⁶Gbogbo àwọn tí ó wà ní wájú wọn kò sì lópin, ọ̀gọ̀ọ̀rọ̀ àwọn ènìyàn ní ó jọba lé lórí, ẹni tí ó wà ní ipò yìí kò dùn mọ́ àwọn tí ó tẹ̀lé wọn nínú. Aṣán ni eléyìí pẹ̀lú jẹ́, ó dàbí ẹni ń gbìyànjú àti mú afẹ́fẹ́ ni.