Read Bíbélì Mímọ́ ní Èdè Yorùbá Òde-Òní Ìwé Orin Sólómónì 2 Bible Online

Ìwé Orin Sólómónì 2 - Bíbélì Mímọ́ ní Èdè Yorùbá Òde-Òní bible

Ìwé Orin Sólómónì 2

¹Èmi ni ìtànná Ṣárónì Bí ìtàná lílì àwọn àfonífojì

²Bí ìtànná lílì ní àárin ẹ̀gún ni olùfẹ́ mi ní àárin àwọn wúndíá.

³Bí igi ápù láàrin àwọn igi inú igbó, ni olùfẹ́ mí láàrin àwọn ọ̀dọ́mọkùnrin Mo fi ayọ̀ jókòó ní abẹ́ òjìji rẹ̀, Èso rẹ̀ sì dùn mọ́ mi ní ẹnu.

⁴Ó mú mi lọ sí ibi gbọ̀ngàn àṣè, Ìfẹ́ sì ni ọ̀pàgun rẹ̀ lórí mi.

⁵Fi agbára adùn àkàrà dá mi dúró. Fi èṣo ápù tù mi lára Nítorí àìsàn ìfẹ́ ń ṣe mí.

⁶Ọwọ́ òsì rẹ ń bẹ lábẹ́ orí mi Ọwọ́ ọ̀tún rẹ sì ń gbà mí mọ́ra

⁷Ẹ̀yin ọmọbìnrin Jérúsálẹ́mù, mo fi abo egbin àti ọmọ àgbọ̀nrín fi yín bú Kí ẹ má ṣe ru ìfẹ́ olùfẹ́ mi sókè Kí ẹ má sì ṣe jí i títí yóò fi wù ú

⁸Gbọ́ ohùn olùfẹ́ mi! Wò ó! Ibí yìí ni ó ń bọ̀. Òun ń fò lórí àwọn òkè ńlá, Òun bẹ́ lórí àwọn òkè kékèké

⁹Olùfẹ́ mi dàbí abo egbin tàbí ọmọ àgbọ̀nrín Wò ó! Níbẹ̀ ni ó wà lẹ́yìn ògiri wa Ó yọjú ní ojú fèrèsé Ó ń fi ara rẹ̀ hàn lójú fèrèsé ọlọ́nà

¹⁰Olùfẹ́ mi fọhùn ó sì sọ fún mi pé, “Dìde, Olùfẹ́ mi, Arẹwà mi, kí o sì wà pẹ̀lú mi.

¹¹Wò ó! Ìgbà otútù ti kọjá; Òjò ti rọ̀ dawọ́, ó sì ti lọ.

¹²Àwọn òdòdó fara hàn lórí ilẹ̀ Àsìkò ìkọrin àwọn ẹyẹ dé A sì gbọ́ ohùn àdàbà ní ilẹ̀ wa.

¹³Igi ọ̀pọ̀tọ́ mú èso tuntun jáde Àwọn àjàrà nípa ìtànná wọn fún ni ní òórùn dídùn Dìde, wá, Olùfẹ́ mi; Arẹwà mi nìkan ṣoṣo, wá pẹ̀lú mi.”

¹⁴Àdàbà mi wà nínú pàlàpálá òkúta, ní ibi ìkọ̀kọ̀ ní orí òkè gíga, fi ojú rẹ hàn mí, jẹ́ kí èmi gbọ́ ohùn rẹ; Nítorí tí ohùn rẹ dùn, tí ojú rẹ sì ní ẹwà.

¹⁵Bá wa mú àwọn kọ̀lọ̀kọ̀lọ̀, àní àwọn kọ̀lọ̀kọ̀lọ̀ kékèké tí ń ba ọgbà àjàrà jẹ́, àwọn ọgbà àjàrà wa tó ní ìtàná.

¹⁶Olùfẹ́ mi ni tèmi èmi sì ni tirẹ̀; Ó ń jẹ láàrin àwọn lílì.

¹⁷Títí ìgbà ìtura ọjọ́ títí òjìji yóò fi fò lọ, yípadà, olùfẹ́ mi, kí o sì dàbí abo egbin tàbí ọmọ àgbọ̀nrín lórí òkè Bétérì.