Read Bíbélì Mímọ́ ní Èdè Yorùbá Òde-Òní Ìwé Orin Sólómónì 6 Bible Online

Ìwé Orin Sólómónì 6 - Bíbélì Mímọ́ ní Èdè Yorùbá Òde-Òní bible

Ìwé Orin Sólómónì 6

¹Níbo ni olùfẹ́ rẹ lọ, Ìwọ arẹwà jùlọ láàárin àwọn obìnrin? Níbo ni olùfẹ́ rẹ yà sí, kí a lè bá ọ wá a?

²Olùfẹ́ mi ti ṣọ̀kalẹ̀ lọ sínú ọgbà rẹ̀, sí ibi ibùsùn tùràrí, láti máa jẹ nínú ọgbà láti kó ìtànná lílì jọ.

³Èmi ni ti olùfẹ́ mi, olùfẹ́ mi sì ni tèmi, Ó ń jẹ láàárin ìtànná lílì,

⁴Ìwọ lẹ́wà olùfẹ́ mi, bí i Tírísà, Ìwọ lẹ́wà bí i Jérúsálẹ́mù, ìwọ lẹ́rù bí ogun pẹ̀lú ọ̀págun.

⁵Yí ojú rẹ kúrò lára mi; nítorí ojú rẹ borí mi. Irun rẹ rí bí i ọ̀wọ́ ewúrẹ́ tí ó sọ̀kalẹ̀ wá láti Gílíádì.

⁶Eyín rẹ rí bí ọ̀wọ́ àgùntàn, Tí ó gòkè láti ibi ìwẹ̀ rẹ̀ wá, gbogbo wọn bí ìbejì, kò sì sí ọ̀kankan tí ó yàgàn nínú wọn.

⁷Ẹ̀rẹ̀kẹ́ rẹ lẹ́bá ìbòjú rẹ, rí bí ẹ̀là èso pómégíránéètì.

⁸Ọgọ́ta ayaba ní ń bẹ níbẹ̀, àti ọgọ́rin àlè, àti àwọn wúndíá láìníye.

⁹Àdàbà mi, aláìlábàwọ́n mi, ọ̀kan ni, ọ̀kan ṣoṣo ọmọbìnrin ìyá rẹ, ààyò ẹyọkan ṣoṣo ẹni tí ó bí i. Àwọn obìnrin rí i wọ́n pè é ní alábùkún fún Àwọn ayaba àti àwọn àlè gbé oríyìn fun-un

¹⁰Ta ni èyí tí ó tàn jáde bí i ìràwọ̀ òwúrọ̀, tí ó dára bí òṣùpá, tí ó mọ́lẹ̀ bí òòrùn, tí ó ní ẹ̀rù bí i jagunjagun pẹ̀lú ọ̀págun?

¹¹Èmi ṣọ̀kalẹ̀ lọ sí ibi ọgbà èso igi láti wo àwọn ẹ̀ka igi tuntun ní àfonífojì, láti rí i bí àjàrà rúwé, tàbí bí pómégíránéètì ti rúdìí.

¹²Kí èmi tó mọ̀, àárẹ̀ ọkàn mú mi, mo sì fẹ́ kí ń wà láàárin àwọn ènìyàn mi.

¹³Padà wá, padà wá, ìwọ Ṣúlámátì: padà wá, padà wá, kí àwa kí ó lè yọ́ ọ wò Èéṣe tí ẹ̀yin fẹ́ yọ́ Ṣúlámátì wò, bí ẹni pé orin ijo Máhánáímù?