Read Bíbélì Mímọ́ ní Èdè Yorùbá Òde-Òní Ìwé Orin Sólómónì 7 Bible Online

Ìwé Orin Sólómónì 7 - Bíbélì Mímọ́ ní Èdè Yorùbá Òde-Òní bible

Ìwé Orin Sólómónì 7

¹Báwo ni ẹṣẹ̀ rẹ ti ní ẹwà tó nínú bàtà, Ìwọ ọmọbìnrin ọba! Oríkèé itan rẹ rí bí ohun ọ̀ṣọ́ iṣẹ́ ọlọ́gbọ́n oníṣọ̀nà

²Ìdodo rẹ rí bí àwo tí kì í ṣe aláìní ọtí, ìbàdí rẹ bí òkìtì àlìkámà tí a fi lílì yíká.

³Ọmú rẹ rí bí abo àgbọ̀nrín méjì tí wọ́n jẹ́ ìbejì àgbọ̀nrín.

⁴Ọrùn rẹ rí bí ilé ìṣọ́ eyín-erin. Ojú rẹ rí bí adágún ní Héṣébónì ní ẹ̀bá ẹnu ìbodè Bátírábímù. Imú rẹ rí bí ilé ìṣọ́ Lẹ́bánónì tí ó kọ ojú sí Dámásíkù.

⁵Bí òkè kámẹlì ṣe ṣe adé yí àwọn òkè ká Bẹ́ẹ̀ ni irun orí rẹ ṣe adé yí orí rẹ ká a fi àìdi irun rẹ mú ọba ní ìgbèkùn.

⁶Báwo ni ẹwà rẹ ti pọ̀ tó báwo ni o sì ti dára tó ìwọ olùfẹ́ mi nínú ìfẹ́!

⁷Ìdúró rẹ rí bí igi ọ̀pẹ, àti ọmú rẹ bí idì èso àjàrà.

⁸Mo ní, “Èmi yóò gun igi ọ̀pẹ lọ; Èmi yóò di ẹ̀ka rẹ̀ mú” Kí ọmú rẹ rí bí ìdì èso àjàrà, Àti èémi imú rẹ bí i ápù.

⁹Àti ìfẹnukonu rẹ rí bí ọtí wáìnì tí ó dára jùlọ. Tí ó kúnná tí ó sì dùn, tí ń mú kí ètè àwọn tí ó sùn kí ó sọ̀rọ̀

¹⁰Ti olùfẹ́ mi ni èmi í ṣe, èmí sì ni ẹni tí ó wù ú.

¹¹Wá, olùfẹ́ mi, jẹ́ kí a lọ sí ibi pápá, Jẹ́ kí a lo àṣálẹ̀ ní àwọn ìletò

¹²Jẹ́ kí a lọ sínú ọgbà àjàrà ní kùtùkùtù láti wo bí àjàrà rúwé bí ìtànná àjàrà bá là. Àti bí póméegíránéètì bá ti rúdí, níbẹ̀ ni èmi yóò ti fi ìfẹ́ mi fún ọ.

¹³Àwọn èṣo mánídárákì mú òórùn wọn jáde ní ẹnu ọ̀nà wa ni onírúurú àṣàyàn èso, èso ọ̀tún àti àkúgbó tí mo ti kó pamọ́ fún ọ, olùfẹ́ mi.