Read Bíbélì Mímọ́ ní Èdè Yorùbá Òde-Òní Ìwé Wòlíì Àìsáyà 15 Bible Online

Ìwé Wòlíì Àìsáyà 15 - Bíbélì Mímọ́ ní Èdè Yorùbá Òde-Òní bible

Ìwé Wòlíì Àìsáyà 15

¹ Ọ̀rọ̀ ìmọ̀ tí ó kan Móábù: A pa Árì run ní Móábù, òru kan kí a paárun! A pa Kárì run ní Móábù, òru kan kí a paárun!

²Díbónì gòkè lọ sí tẹ́ḿpìlìi rẹ̀, sí àwọn ibi gíga rẹ̀ láti ṣunkún, Móábù pohùnréré lórí Nébónì àti Médíbà. Gbogbo orí ni a fá gbogbo irungbọ̀n ni a gé dànù.

³Wọ́n wọ aṣọ ọ̀fọ̀ ní ojú òpópónà, ní àwọn òrùlé àti àwọn gbàgede àkójọ wọ́n pohùnréré, Wọ́n dọ̀bálẹ̀ pẹ̀lú ẹkún.

⁴Hẹ́ṣíbónì àti Élíálè ké ṣóde, ohùn wọn ni a gbọ́ títí fi dé Jáhásì. Nítorí náà ni àwọn ọmọ ogun Móábù ṣe kígbe tí ọkàn wọn sì rẹ̀wẹ́sì.

⁵Ọkàn mi kígbe lórí Móábù; àwọn ìṣáǹṣá rẹ sálà títí dé Ṣóárì, títí fi dé Égílátì Ṣẹ́líṣíyà. Wọ́n gòkè lọ títí dé Lúhítì wọ́n ń ṣunkún bí wọ́n ti ń lọ, Ní òpópónà tí ó lọ sí Hórónáímù wọ́n ń pohùnréré ìparun wọn

⁶Gbogbo omi Nímírímù ni ó ti gbẹ àwọn koríko sì ti gbẹ, gbogbo ewéko ti tán ewé tútù kankan kò sí mọ́.

⁷Báyìí gbogbo ọrọ̀ tí wọ́n ti ní tí wọ́n sì tòjọ wọ́n ti kó wọn kọjá lọ lóríi gẹ̀rẹ́gẹ̀rẹ́ odò pópúlárì.

⁸Gbohùngbohùn ń gba igbe wọn dé ìpẹ̀kun ilẹ̀ Móábù; ìpohùnréré wọn lọ títí dé Ẹgíláémù, igbe ẹkún wọn ni a gbọ́ títí dé kànga Élímù.

⁹Omi Dímónì kún fún ẹ̀jẹ̀, ṣíbẹ̀ èmi ó tún mu ohun tí ó jù báyìí lọ wá sórí Dímónì— kìnnìún kan wá ṣórí àwọn ìṣáǹṣá Móábù àti lórí àwọn tí ó tún ṣẹ́kù sórí ilẹ̀ náà.