Read Bíbélì Mímọ́ ní Èdè Yorùbá Òde-Òní Ìwé Wòlíì Hósíà 12 Bible Online

Ìwé Wòlíì Hósíà 12 - Bíbélì Mímọ́ ní Èdè Yorùbá Òde-Òní bible

Ìwé Wòlíì Hósíà 12

¹Éfúráímù ń jẹ afẹ́fẹ́; Ó n lépa afẹ́fẹ́ ìwọ̀ oòrùn ní gbogbo ọjọ́. Ó sì ń gbèrú nínú irọ́ Ó dá májẹ̀mú pẹ̀lú Ásíríà Ó si fi òróró ólífì ránsẹ́ sí Éjíbítì.

²OLÚWA ní ẹ̀sùn tí yóò fí kan Júdà yóò fìyà jẹ Jákọ́bù gẹ́gẹ́ bí ọ̀nà rẹ̀ yóò sì sán fún-un gẹ́gẹ́ bí i ìṣe rẹ̀.

³Láti inú oyun ni ó ti di arákùnrin rẹ̀ mú ni gìgísẹ̀, àti nípa ìpá rẹ̀ ó ni agbára pẹ̀lú Ọlọ́run

⁴Ó bá ángẹ́lì ja ìjàkadì, ó sì borí rẹ̀ Ó sunkún, ó sì bẹ̀bẹ̀ fún ojú rere rẹ̀ Ó bá OLÚWA ní Bẹ́tẹ́lì Ó sì bá a sọ̀rọ̀ níbẹ̀,

⁵àní OLÚWA Ọlọ́run àwọn ọmọ-ogun; OLÚWA ni orúkọ ìrántí rẹ̀

⁶Ṣùgbọ́n ìwọ́ gbọdọ̀ padà sọ́dọ̀ Ọlọ́run rẹ̀; Di ìfẹ́ àti ìdájọ́ òdodo mú kí ẹ sì dúró de OLÚWA yín nígbà gbogbo.

⁷Oníṣòwò ń lo òṣùnwọ̀n èké Ó fẹ́ràn láti rẹ́nijẹ.

⁸ Éfúráímù gbéraga, “Èmi ní ìní fún ara mi, mo sì ti di ọlọ́rọ̀, pẹ̀lú gbogbo ọrọ̀ mi yìí, wọn kò le ká àìṣedéédéé tàbí ẹ̀ṣẹ̀ kankan mọ́ mi lọ́wọ́”

⁹“Èmi ni OLÚWA Ọlọ́run rẹ; ẹni tí ó mu ọ jáde wá láti ilẹ̀ Éjíbítì; èmi yóò tún mú yín gbé nínú àgọ́ bí i ọjọ́ àjọ mímọ́ wọ̀n ọn nì

¹⁰Mo sọ fún àwọn wòlíì, mo fi ọ̀pọ̀lọ́pọ̀ ìran hàn wọ́n mo sì pa òwe láti ẹnu wòlíì wọn.”

¹¹Gílíádì ha burú bí? Àwọn ènìyàn rẹ̀ jẹ́ asán. Ǹjẹ́ wọ́n ń fi akọ màlúù rúbọ ní Gílígálì? Gbogbo pẹpẹ wọ́n sì dàbí ebè nínú aporo oko.

¹²Jákọ́bù sá lọ si orílẹ̀ èdè Árámù; Ísírẹ́lì sìn kí o tó fẹ ìyàwó ó ṣe ìtọjú ẹran láti fi san owó ìyàwó.

¹³OLÚWA lo wòlíì kan láti mú Ísírẹ́lì jáde wá láti Éjíbítì, nípaṣẹ̀ wòlíì kan ó ṣe ìtọ́jú rẹ̀.

¹⁴Ṣùgbọ́n Éfúráímù ti mú un bínú gidigidi; OLÚWA rẹ̀ yóò sì fi ẹ̀bi ìtàjẹ̀sílẹ̀ sí orí rẹ̀ òun yóò sì san án padà fún un nítorí ìwà ẹ̀gàn an rẹ̀.