Read Bíbélì Mímọ́ ní Èdè Yorùbá Òde-Òní Ìwé Wòlíì Hósíà 7 Bible Online

Ìwé Wòlíì Hósíà 7 - Bíbélì Mímọ́ ní Èdè Yorùbá Òde-Òní bible

Ìwé Wòlíì Hósíà 7

¹Nígbà tí èmi ìbá mú Ísírẹ́lì láradá. Ẹ̀ṣẹ̀ Éfúráímù ń farahàn ìwà búburú Ṣamáríà sì ń hàn síta Wọ́n ń ṣe èrú àwọn olè ń fọ́ ilé àwọn ọlọ́ṣà ń jalè ní òpópónà

²Ṣùgbọ́n wọn kò mọ̀ pé mo rántí gbogbo ìwà búburú wọn: Ẹ̀ṣẹ̀ wọn gbé wọn mì pátapáta wọ́n wà níwájú mi nígbà gbogbo.

³“Wọ́n ń mú inú ọba dùn pẹ̀lú ìwà búburú wọn, àti inú ọmọ aládé dùn pẹ̀lú irọ́ wọn

⁴Alágbèrè ni gbogbo wọn wọ́n gbóná bí ààrò àkàrà tí o dáwọ́ kíkọná dúró, lẹ́yìn ìgbà tí o ti pò iyẹ̀fun tán, títí ìgbà tí yóò wú.

⁵Ní ọjọ́ àjọ̀dún ọba wa wáìnì mú ara àwọn ọmọ aládé gbóná ó sì darapọ̀ mọ́ àwọn oníyẹ̀yẹ́.

⁶Ọkàn wọn ń gbóná bí i ààrò wọ́n sì tọ̀ ọ́ lọ pẹ̀lú rìkísí, ìbínú wọn pa lọ́lọ́ ní gbogbo òru ó sì bú jáde bí ọ̀wọ́ iná ní òwúrọ̀.

⁷Gbogbo wọn gbóná bí ààrò wọ́n pa gbogbo olórí wọn run, gbogbo ọba wọn si ṣubú kò sì sí ẹnìkan nínú wọn tí ó ké pè mí.

⁸“Éfúráímù ti darapọ̀ mọ́ àwọn ènìyàn náà; Éfúráímù jẹ́ àkàrà tí a kò yípadà

⁹Àwọn àlejò ti jẹ agbára rẹ̀ run ṣùgbọ́n kò sì mọ̀, Ewú ti wà ní orí rẹ̀ káàkiri bẹ́ẹ̀ ni kò kíyèsíi

¹⁰Ìgbéraga Ísírẹ́lì ń jẹ́rìí sí i ṣùgbọ́n pẹ̀lú gbogbo èyí kò padà sí ọ̀dọ̀ OLÚWA Ọlọ́run, tàbí kí ó wá a.

¹¹“Éfúráímù dàbí àdàbà tó rọrùn láti tàn jẹ àti aláìgbọ́n tó wá ń pé Éjíbítì nísinsìn yìí tó sì tún ń padà lọ si Ásíríà.

¹²Nígbà tí wọ́n bá lọ, èmi ó ta àwọ̀n mi sórí wọn Èmi ó fà wọ́n lulẹ̀ gẹ́gẹ́ bí ẹyẹ ojú ọ̀run Nígbà tí mo bá gbọ́ pé wọ́n rìn pọ̀ Èmi nà wọ́n bí ìjọ ènìyàn wọn ti gbọ́

¹³Ègbé ní fún wọn, nítorí pé wọ́n ti yà kúrò lọ́dọ̀ mi! Ìparun wà lórí wọn, nítorí pé wọ́n ti ṣọ̀tẹ̀ sí mi! Èmi yóò rà wọ́n padà. Ṣùgbọ́n wọ́n ń parọ́ mọ́ mi

¹⁴Wọn kò kégbe pè mí láti ọkàn wọn, Ṣùgbọ́n wọ́n ń pohùn réré ẹkún lórí ibùsùn wọn. Wọ́n kó ara wọn jọ, nítorí ọkà àti wáìnì ṣùgbọ́n wọ́n yípadà kúrò ní ọ̀dọ̀ mi.

¹⁵Mo kọ́ wọn, mo sì fún wọn ní agbára, ṣíbẹ̀ wọ́n tún ń dìtẹ̀ mọ́ mi.

¹⁶Wọn kò padà sí ọ̀dọ̀ Ọ̀gá ògo; Wọ́n dàbí ọrun tí ó wà fún ìtànjẹ́ Àwọn aṣíwájú wọn yóò ti ipa idà ṣubú nítorí irúnú ahọ́n wọn. Torí èyí, wọn ó fi wọ́n ṣe ẹlẹ́yà ní ilẹ̀ Éjíbítì.