Read Bíbélì Mímọ́ ní Èdè Yorùbá Òde-Òní Ìwé Wòlíì Hósíà 8 Bible Online

Ìwé Wòlíì Hósíà 8 - Bíbélì Mímọ́ ní Èdè Yorùbá Òde-Òní bible

Ìwé Wòlíì Hósíà 8

¹“Ọlọ́run rẹ̀. Fi ìpè sí ẹnu rẹ! Ẹyẹ igún wà lórí ilé OLÚWA nítorí pé àwọn ènìyàn ti dalẹ̀ májẹ̀mú, wọ́n sì ti ṣọ̀tẹ̀ sí òfin mi.

²Ísírẹ́lì kígbe pè mí ‘Áà! Ọlọ́run wa, àwa mọ̀ ọ́!’

³Ṣùgbọ́n Ísírẹ́lì ti kọ ohun tí ó dára sílẹ̀ ọ̀tá yóò sì máa lépa rẹ̀

⁴Wọ́n fi àwọn ọba jẹ ṣùgbọ́n, kì í ṣe nípasẹ̀ mi wọ́n yan ọmọ aládé láì si ìmọ̀ mi nibẹ̀. Wọ́n fi fàdákà àti wúrà ṣe ère fún ara wọn, kì a ba le ké wọn kúrò.

⁵Ọmọ-mààlu rẹ ti ta ọ́ nù ìwọ Ṣamáríà! Ju ère tí o gbẹ́ nù Ìbínú mi ń ru sí wọn: yóò ti pẹ́ tó kí wọ́n tó dé ipò àìmọ̀kan?

⁶Ísírẹ́lì ni wọ́n ti wá! Ère yìí—agbẹ́gilére ló ṣe é Àní ère Samáríà, ni a ó fọ́ sí wẹ́wẹ́.

⁷“Wọ́n gbin afẹ́fẹ́ wọ́n sì ká ìjì Igi ọkà kò lórí, kò sì ní mú oúnjẹ wá. Bí ó bá tilẹ̀ ní ọkà àwọn àlejò ni yóò jẹ.

⁸A ti gbé Ísírẹ́lì mì, Báyìí, ó sì ti wà láàrin àwọn orílẹ̀ èdè bí ohun èlò tí kò wúlò.

⁹Nítorí pé wọ́n ti gòkè lọ sí Síríà gẹ́gẹ́ bí ẹhànnà kẹ́tẹ́kẹ́tẹ́ tó ń rìn kiri. Éfúráímù ti ta ara rẹ̀ fún àwọn olólùfẹ́ rẹ̀.

¹⁰Bí ó tilẹ̀ jẹ́ pé wọ́n ti ta ara wọn sí àárin orílẹ̀ èdè Èmi ó ṣà wọ́n jọ nísinsìn yìí Wọn ó sì bẹ̀rẹ̀ sí í ṣòfò dànù lọ́wọ́ ìnílára ọba alágbára.

¹¹“Nítorí Éfúráímù ti kọ́ pẹpẹ púpọ̀ fún ìrúbọ ẹ̀ṣẹ̀ gbogbo rẹ̀ ti di pẹpẹ ìdẹ́ṣẹ̀ fún un

¹²Mo kọ ọ̀pọ̀lọpọ̀ ohun tí ó jẹ́ òfin mi fún wọn. Ṣùgbọ́n wọn kà á sí ohun àjèjì

¹³Wọ́n ń rúbọ tí wọ́n yàn fún mi, wọ́n sì ń jẹ ẹran ibẹ̀ Ṣùgbọ́n inú OLÚWA kò dùn sí wọn. Báyìí yóò rántí ìwà búburú wọn yóò sì jẹ wọ́n níyà fún ẹ̀ṣẹ̀ wọn. Wọn yóò padà sí Éjíbítì

¹⁴ Nítorí Ísírẹ́lì ti gbàgbé ẹlẹ́dàá rẹ̀ Ó sì ń kọ́ ààfin púpọ̀ Júdà ti kọ́ ìlú olódi púpọ̀ ṣùgbọ́n èmi ó rán iná kan sí orí àwọn ìlú rẹ̀ èyí tí yóò jẹ ibi agbára rẹ̀ run.”