Read Bíbélì Mímọ́ ní Èdè Yorùbá Òde-Òní Ìwé Wòlíì Hábákúkù 1 Bible Online

Ìwé Wòlíì Hábákúkù 1 - Bíbélì Mímọ́ ní Èdè Yorùbá Òde-Òní bible

Ìwé Wòlíì Hábákúkù 1

¹Ìran tí wòlíì Hábákúkù rí.

² OLÚWA, emì yóò ti ké pẹ́ tó fún ìrànlọ́wọ́, Ṣùgbọ́n ti ìwọ kò ni fetí sí mi? Tàbí kígbe sí ọ ní ti, “Ìwà ipá!” ṣùgbọ́n tí ìwọ kò sì gbàlà?

³Èéṣe tí ìwọ fi mú mi rí àìṣedéédé Èéṣe tí ìwọ sì fààyè gba ìwà ìkà? Ìparun àti ìwà ipá wà ní iwájú mi; ìjà ń bẹ, ìkọlù sì wà pẹ̀lú.

⁴Nítorí náà, òfin di ohun àìkàsí, ìdájọ́ òdodo kò sì borí. Àwọn ẹni búburú yí àwọn olódodo ká, Nítorí náà ni ìdájọ́ òdodo ṣe yí padà

⁵ “Ẹ wo ìnú àwọn aláìkọlà, ki ẹ sí wòye, Kí ìyàlẹnu kí o sí ṣe yin gidigidi Nítorí tí èmi yóò ṣe ohun kan ni òwúrọ̀ ọjọ́ ọ yín tí ẹ̀yin kì yóò sì gbàgbọ́ bí o tilẹ̀ jẹ́ pé a sọ fún un yin.

⁶ Nítorí pé, èmi yóò gbé àwọn ara Bábílónì dìde, àwọn aláìláàánú àti onínú fùfù ènìyàn tí ó rin gbogbo ilẹ̀ ayé já láti fi agbára gbà àwọn ibùgbé tí kì í ṣe ti wọn.

⁷Wọn jẹ́ ènìyàn ti a bẹ̀rù, tí a sì páyà, ìdájọ́ wọn, àti ọláńlá wọn, Yóò máa ti inú wọn jáde.

⁸Ẹ̀ṣin wọn yára ju ẹkùn lọ, wọ́n ṣì gbóná jú ìkókó àṣálẹ́ lọ àwọn ẹlẹ́ṣin wọn yóò sí tan ara wọn ká; àwọn yóò sì wá láti ọ̀nà jínjìn réré, wọn yóò sí fò bí ẹyẹ igún tí ń wá láti jẹrun

⁹Gbogbo wọn sì wà fún ìwà ipá ìwò ojú wọn yóò sì wá síwájú; wọn sì ko ìgbékùn jọ bí i yanrìn.

¹⁰Wọn ó si máa fí àwọn ọba ṣẹ̀ṣín wọn ó sì tún kẹ́gàn àwọn aládé. Wọn yóò sì fi gbogbo ìlú odi alágbára nì rẹ́rìnín; Nítorí pé, wọn yóò ko erùpẹ̀ jọ, wọn yóò sì gbà á

¹¹Nígbà náà ni inú rẹ̀ yóò yípadà, yóò sì rékọjá, yóò siṣẹ̀ ní kika agbára rẹ̀ yìí sí iṣẹ́ òrìṣà rẹ̀.”

¹²OLÚWA, ǹjẹ́ láti ayérayé kọ ni ìwọ tí wà? OLÚWA Ọlọ́run mi. Ẹni mímọ mi, àwa kì yóò kú OLÚWA, ìwọ tí yàn wọn fún ìdájọ́; Ọlọ́run alágbára, ìwọ tí fi ẹsẹ̀ wọn múlẹ̀ fún ìbáwí

¹³Ojú rẹ mọ́ tónítóní láti wo ibi; ìwọ kò le gbà ìwà ìkà nítorí kí ni ìwọ ṣe gba àwọn alárékérekè láàyè? Nítorí kí ni ìwọ ṣe dákẹ́ nígbà tí ẹni búburú ń pa ẹni tí i ṣe olododo ju wọn lọ run?

¹⁴Ìwọ sì tí sọ ènìyàn di bí ẹja inú òkun, bí àwọn ẹ̀dá inú òkun tí wọn ko ni alákòóso

¹⁵Àwọn ènìyàn búburú fi àwọ̀n wọn gbé wọn ṣókè ó sì kó wọn jọ nínú àwọ̀n-ńlá rẹ̀; nítorí náà, ó dunnú, ó sì yọ̀ pẹ̀lú.

¹⁶Nítorí náà, ó rúbọ sí àwọ̀n rẹ̀, ó sì ń ṣun tùràrí fún àwọ̀n-ńlá rẹ̀ nítorí pẹ̀lú àwọ̀n rẹ̀ ni ó fí ń gbé ní ìgbádùn tí ó sì ń gbádùn pẹ̀lú oúnjẹ tí ó bá wù ú.

¹⁷Ǹjẹ́ wọn yóò ha máa pá àwọ̀n wọn mọ́ ní òfìfo bí, tí wọn yóò sí pa orílẹ̀-èdè run láìsí àánú?