Read Bíbélì Mímọ́ ní Èdè Yorùbá Òde-Òní Ìwé Àwọn Ará Éfésù 6 Bible Online

Ìwé Àwọn Ará Éfésù 6 - Bíbélì Mímọ́ ní Èdè Yorùbá Òde-Òní bible

Ìwé Àwọn Ará Éfésù 6

¹Ẹ̀yín ọmọ, ẹ máa gbọ tí àwọn òbí i yín nínú Olúwa: nítorí pé èyí ní ó tọ́.

² “Bọ̀wọ̀ fún bábá àtí ìyá rẹ”: èyí tí í ṣe ofín kìn-ín-ní pẹ̀lú ilérí,

³ “Kí ó lé dára fún ọ, àti kí ìwọ lè wà pẹ́ ní ayé.”

⁴Àti ẹyín baba, ẹ má ṣe mú àwọn ọmọ yín bínú, ṣùgbọ́n ẹ máa tọ́ wọn nínú ẹ̀kọ́ àtí ìkìlọ̀ Olúwa.

⁵Ẹ̀yín ọmọ-ọ̀dọ̀, ẹ máa gbọ́ ti àwọn olúwa yín nípá ti ara, pẹ̀lú ìbẹ̀rù àtí ìwárìrì, ní òtítọ́ ọkàn yín, bí ẹni pé sí Kírísítì.

⁶Gbọ́ ọ̀rọ̀ sí wọn lẹ́nu kì í ṣe láti rí ojúrere wọn nígbà tí ojú wọn bá ń bẹ lára rẹ, ṣùgbọ́n bí ẹrú Kírísítì, ní síṣe ìfẹ́ Ọlọ́run láti ọkàn rẹ.

⁷Ẹ máa fí inú rere sìn bí sí Olúwa, kì í sí ṣe sí ènìyàn.

⁸Bí ẹ̀yín ti mọ̀ pé ohun rere tí olúkúlùkù bá ṣe òun náà ní yóò sí gbà padá lọ́dọ̀ Olúwa, ìbá à ṣe ẹrú, tàbí òmìnira.

⁹Àti ẹ̀yín ọ̀gá, ẹ máa ṣe ohun kan náà sí wọn, ẹ máa dín ìbẹ̀rù yín kù bí ẹ̀yin ti mọ̀ pé olúwa ẹ̀yin tìkárayín ń bẹ ní ọ̀run; kò sì sí ojúṣáájú ènìyàn lọ́dọ̀ rẹ̀.

¹⁰Ní àkótan, ara mí, ẹ jẹ́ alágbára nínú Olúwa, àti nínú agbára ipá rẹ̀.

¹¹Ẹ gbé gbogbo ìhámọ́ra Ọlọ́run wọ̀, kí ẹ̀yín lè kọ ojú ìjà sí àrékérekè Èṣù.

¹²Nítorí pé kì í ṣe ẹ̀jẹ̀ àti ẹran ara ní awá ń bá jìjàkadì, ṣùgbọ́n àwọn ìjòyé, àwọn ọlọ́lá, àwọn aláṣẹ ìbí òkùnkùn ayé yìí, àtí àwọn ẹmí búburú ní ojú ọrun.

¹³Nítorí náà, ẹ gbé gbogbo ìhámọ́ra Ọlọ́run wọ̀, kí ẹ̀yín lè dúró tiiri sí ọjọ́ ibi, nígbà tí ẹ̀yin bá sì ti ṣe ohun gbogbo tan kí ẹ sì dúró.

¹⁴ Ẹ dúró nítorí náà lẹ́yìn tí ẹ fi àmùrè òtítọ́ dì ẹ̀gbẹ́ yin, tí ẹ sì ti di ìgbàyà òdodo mọ́ra.

¹⁵ Tí ẹ sì ti fí ìmúrà ìyìn rere àlàáfíà wọ ẹṣẹ̀ yín ní bàtà.

¹⁶Ní àfikún, ẹ mú apata ìgbàgbọ́, nípa èyí tí ẹ̀yín lè máa fi paná gbogbo ọfà iná ẹni ibi náà.

¹⁷Kí ẹ sì mú àṣíborí ìgbàlà, àti idà ẹ̀mí, tí í ṣe ọ̀rọ̀ Ọlọ́run.

¹⁸Pẹ̀lú gbogbo àdúrà àti ẹ̀bẹ̀ ni kí ẹ máa gbàdúrà nígbà gbogbo nínú Ẹ̀mí, kí ẹ sì máa ṣọ́ra sí i nínú ìdúrósinsin gbogbo àti ẹ̀bẹ̀ fún gbogbo ènìyàn mímọ́.

¹⁹Kí ẹ sì máa gbàdúrà fún mí pẹ̀lú, kí Ọlọ́run lè fún mí ní ọ̀rọ̀ tí ó yẹ kí emí lè máa fì ìgbóyà sọ àwọn ohun ìjìnlẹ ìyìn rere náà.

²⁰Nítorí èyí tí èmí jẹ́ ikọ̀ nínú ẹ̀wọ̀n: kí èmi lè máa fi ìgbóyà sọ̀rọ̀ nínú rẹ̀, gẹ́gẹ́ bí ó ti tọ́ fún mí láti máa sọ.

²¹ Ṣùgbọ́n kí ẹ̀yin pẹ̀lú lè mọ̀ bí nǹkán ti rí fún mí, bí mo tí ń ṣe sí; Tíkíkù, arákùnrin olùfẹ́ àti ìránṣẹ́ olóòótọ́ nínú Olúwa yóò sọ ohun gbogbo dí mímọ̀ fún yín.

²²Ẹni tí mo rán sí yín nítorí èyí náà, kí ẹ lè mọ̀ bí a tí wà, kì òun lè tu ọkàn yín nínú.

²³Àlàáfíà fún àwọn ará, àti ìfẹ́ pẹ̀lú ìgbàgbọ́, làti ọdọ Ọlọ́run Baba wà, àti Olúwa wà Jésù Kírísítì.

²⁴Kí oore ọ̀fẹ́ wà pẹ̀lú gbogbo àwọn tí ó fẹ́ Olúwa wa Jésù Kírísítì ni àìṣẹ̀tàn.