Read Bíbélì Mímọ́ ní Èdè Yorùbá Òde-Òní Jóṣúà 12 Bible Online

Jóṣúà 12 - Bíbélì Mímọ́ ní Èdè Yorùbá Òde-Òní bible

Jóṣúà 12

¹ Ìwọ̀nyí ní àwọn ọba ilẹ̀ náà tí àwọn ará Ísírẹ́lì ṣẹ́gun, tí wọ́n sì gba ilẹ̀ wọn ní ìlà-oòrùn Jọ́dánì, láti Ánónì-Gọ́gi dé Okè Hámónì, pẹ̀lú gbogbo ìhà ìlà-oòrùn aginjù:

²Síhónì ọba àwọn Ámorì, tí ó jọba ní Hésíbónì. Ó ṣe àkóso láti Ároérì tí ń bẹ ní etí Anoni-Gọ́gì, láti àárin Jọ́ọ́jì dé Odò Jábókì, èyí tí ó jẹ́ ààlà àwọn ọmọ Ámónì. Pẹ̀lú ìdajì àwọn ará Gílíádì.

³Ó sì se àkóso ní orí ìlà-oòrùn aginjù láti Òkun Kínẹ́rétì sí ìhà Òkun ti aginjù (Òkun Iyọ̀), sí Bẹti-Jésímótù, àti láti gúsù lọ dé ìsàlẹ̀ ẹsẹ̀ òkè Písígà.

⁴Àti agbégbé Ógù ọba Básánì, ọ̀kan nínú àwọn tí ó kù nínú àwọn ará Ráfíátì, ẹni tí ó jọba ní Ásítarótù àti Édírì.

⁵Ó se àkóso ní orí Okè Hámónì, Sálékà, Básánì títí dé ààlà àwọn ènìyàn Gésúrì àti Máákà, àti ìdajì Gílíádì dé ààlà Síhónì ọba Hésíbónì.

⁶Mósè ìránṣẹ́ OLÚWA àti àwọn ọmọ Ísírẹ́lì sì borí wọn. Mósè ìránṣẹ́ OLÚWA sì fi ilẹ̀ wọn fún àwọn ẹ̀yà Rúbẹ́nì, àwọn ẹ̀yà Gádì àti ìdajì ẹ̀yà Mánásè kí ó jẹ́ ohun ìní wọn.

⁷Ìwọ̀nyí ní àwọn ọba ilẹ̀ náà tí Jóṣúà àti àwọn ọmọ Ísírẹ́lì sẹ́gun ní ìhà ìwọ̀-oòrùn Jọ́dánì, láti Báálì Gádì ní Àfonífojì Lẹ́bánónì sí Okè Hálákì, èyí tí O lọ sí ọ̀nà Sérì (Jóṣúà sì fi ilẹ̀ wọn fún àwọn ẹ̀yà Ísírẹ́lì ní ilẹ̀ ìní gẹ́gẹ́ bí ìpín ẹ̀yà wọn:

⁸ilẹ̀ òkè, ní ẹsẹ̀ òkè ní ìhà ìwọ̀-oòrùn òkè aginjù, ní gẹ̀rẹ́gẹ̀rẹ́ òkè, ní asálẹ̀ àti Négéfi ilẹ̀ àwọn ará: Hítì, Ámórì, Kénánì, Pérísì, Hífì àti àwọn ará Jébúsì):

⁹ọba Jẹ́ríkò — ọ̀kan ọba Áì (tí ó wà nítòòsí Bétélì) — ọ̀kan

¹⁰ọba Jérúsálẹ́mù — ọ̀kan ọba Hébúrónì — ọ̀kan

¹¹ọba Jámútù — ọ̀kan ọba Lákíṣì — ọ̀kan

¹²ọba Égílónì — ọ̀kan ọba Gésérì — ọ̀kan

¹³ọba Débírì — ọ̀kan ọba Gédérì — ọ̀kan

¹⁴ọba Hómà — ọ̀kan ọba Árádì — ọ̀kan

¹⁵ọba Líbínà — ọ̀kan ọba Ádúlámù — ọ̀kan

¹⁶ọba Mákedà — ọ̀kan ọba Bétélì — ọ̀kan

¹⁷ọba Tápuà — ọ̀kan ọba Héférì — ọ̀kan

¹⁸ọba Áfẹ́kì — ọ̀kan ọba Lásárónì — ọ̀kan

¹⁹ọba Mádónì — ọ̀kan ọba Hásórù — ọ̀kan

²⁰ọba Símírónì-Mérónì — ọ̀kan ọba Ákísáfù — ọ̀kan

²¹ọba Tánáákì — ọ̀kan ọba Mégídò — ọ̀kan

²²ọba Kádésì — ọ̀kan ọba Jókínámù ni Kamẹli — ọ̀kan

²³ọba Dórì (ní Nafoti Dórì) — ọ̀kan ọba Góyímì ní Gílígálì — ọ̀kan

²⁴ọba Tásà — ọ̀kan gbogbo àwọn ọba náà jẹ́ mọ́kànlélọ́gbọ̀n (31).