Read Swahilli Zaburi 23 Bible Online

Zaburi 23 - Swahilli bible

Zaburi 23

¹(Zaburi ya Daudi) Mwenyezi-Mungu ni mchungaji wangu, sitapungukiwa na kitu.

²Hunipumzisha kwenye malisho mabichi; huniongoza kando ya maji matulivu,

³na kuirudishia nafsi yangu nguvu mpya. Huniongoza katika njia sawa kwa hisani yake.

⁴Nijapopita katika bonde la giza kuu la kifo, sitaogopa hatari yoyote, maana wewe ee Mwenyezi-Mungu u pamoja nami; gongo lako na fimbo yako vyanilinda.

⁵Umeniandalia karamu mbele ya maadui zangu; umenipaka mafuta kichwani pangu; kikombe changu umekijaza mpaka kufurika.

⁶Kweli wema wako na fadhili zako zitakuwa pamoja nami, siku zote za maisha yangu; nami nitakaa nyumbani mwa Mwenyezi-Mungu milele.