Read Swahilli Zaburi 54 Bible Online

Zaburi 54 - Swahilli bible

Zaburi 54

¹(Kwa Mwimbishaji: Na ala za nyuzi za muziki. Utenzi wa Daudi wakati mtu mmoja kutoka Zifu alipomwendea Shauli na kumjulisha kuwa Daudi amejificha kwao.) Uniokoe, ee Mungu, kwa jina lako; unitetee kwa nguvu yako.

²Uisikie, ee Mungu, sala yangu; uyategee sikio maneno ya kinywa changu.

³Watu wenye kiburi wananishambulia; wakatili wanayawinda maisha yangu, watu ambao hawamjali Mungu.

⁴Najua Mungu ni msaada wangu, Mwenyezi-Mungu hutegemeza maisha yangu.

⁵Yeye atawaadhibu maadui zangu kwa uovu wao wenyewe; kwa uaminifu wako, ee Mungu, uwaangamize.

⁶Nitakutolea tambiko kwa moyo mkunjufu; nitakushukuru kwa kuwa ni vema.

⁷Maana umeniokoa katika taabu zangu zote, nami nimewaona maadui zangu wameshindwa.