Read Swahilli Zaburi 61 Bible Online

Zaburi 61 - Swahilli bible

Zaburi 61

¹(Kwa Mwimbishaji: na ala za nyuzi za muziki. Zaburi ya Daudi) Ee Mungu, usikie kilio changu, usikilize sala yangu.

²Ninakulilia kutoka miisho ya dunia, nikiwa nimevunjika moyo. Uniongoze juu kwenye mwamba mkubwa[285]

³maana wewe ndiwe kimbilio langu, kinga yangu imara dhidi ya adui.

⁴Naomba nikae nyumbani mwako milele nipate usalama chini ya mabawa yako.[286]

⁵Ee Mungu, umezisikia ahadi zangu, umenijalia sehemu yangu unayowapa wale wakuchao.

⁶Umjalie mfalme maisha marefu, miaka yake iwe ya vizazi vingi.[287]

⁷Atawale milele mbele yako, ee Mungu; fadhili na uaminifu wako vimlinde.

⁸Hivyo nitakuimbia nyimbo za sifa, nikizitekeleza ahadi zangu kila siku.