Read Swahilli Hesabu 33 Bible Online

Hesabu 33 - Swahilli bible

Hesabu 33

¹Vifuatavyo ni vituo ambavyo Waisraeli walipiga kambi walipotoka Misri wakiwa katika makundi ya makabila yao chini ya uongozi wa Mose na Aroni.[189]

²Mose aliandika jina la kila mahali walipopiga kambi, kituo baada ya kituo, kwa agizo la Mwenyezi-Mungu.

³Waisraeli waliondoka mjini Ramesesi mnamo siku ya kumi na tano ya mwezi wa kwanza, siku moja baada ya Pasaka ya kwanza. Waliondoka kwa uhodari mkubwa[190] mbele ya Wamisri wote,

⁴ambao walikuwa wanawazika wazaliwa wao wa kwanza wa kiume aliowaua Mwenyezi-Mungu; kwani Mwenyezi-Mungu alikuwa ameiadhibu hata miungu yao.

⁵Basi, Waisraeli waliondoka Ramesesi, wakapiga kambi yao huko Sukothi.

⁶Kutoka Sukothi, walipiga kambi yao huko Ethamu, ukingoni mwa jangwa.

⁷Kutoka Ethamu, waligeuka na kurudi hadi Pi-hahirothi, mashariki ya Baal-sefoni, wakapiga kambi yao karibu na Migdoli.

⁸Waliondoka Pi-hahirothi, wakapita bahari ya Shamu mpaka jangwa la Ethamu; walisafiri jangwani mwendo wa siku tatu, wakapiga kambi yao Mara.

⁹Kutoka Mara, walisafiri hadi Elimu; huko Elimu kulikuwa na chemchemi kumi na mbili za maji na mitende sabini, wakapiga kambi yao mahali hapo.

¹⁰Walisafiri kutoka Elimu, wakapiga kambi yao karibu na bahari ya Shamu.

¹¹Kutoka Bahari ya Shamu walipiga kambi yao katika jangwa la Sini.

¹²Kutoka jangwa la Sini, walipiga kambi yao Dofka.

¹³Kutoka Dofka walipiga kambi yao huko Alushi.

¹⁴Kutoka Alushi walipiga kambi yao huko Refidimu, ambapo hapakuwa na maji ya kunywa.

¹⁵Waliondoka Refidimu wakapiga kambi yao katika jangwa la Sinai.[191]

¹⁶Kutoka Sinai walipiga kambi yao huko Kibroth-hataava.

¹⁷Kutoka Kibroth-hataava, walipiga kambi yao huko Haserothi.

¹⁸Kutoka Haserothi, walipiga kambi yao huko Rithma.

¹⁹Kutoka Rithma, walipiga kambi yao huko Rimon-perezi.

²⁰Kutoka Rimon-perezi, walipiga kambi yao huko Libna.

²¹Kutoka Libna walipiga kambi yao Risa.

²²Waliondoka Risa, wakapiga kambi yao huko Kehelatha.

²³Kutoka Kehelatha, walipiga kambi yao kwenye Mlima Sheferi.

²⁴Kutoka Mlima Sheferi walipiga kambi yao huko Harada.

²⁵Kutoka Harada, walipiga kambi yao huko Makelothi.

²⁶Kutoka Makelothi, walipiga kambi yao huko Tahathi.

²⁷Kutoka Tahathi walipiga kambi yao Tera.

²⁸Kutoka Tera walipiga kambi yao Mithka.

²⁹Kutoka Mithka, walipiga kambi yao Hashmona.

³⁰Kutoka Hashmona, walipiga kambi yao Moserothi.

³¹Kutoka Moserothi, walipiga kambi yao Bene-yaakani.

³²Kutoka Bene-yaakani, walipiga kambi yao Hor-hagidgadi.

³³Kutoka Hor-hagidgadi, walipiga kambi yao Yot-batha.

³⁴Kutoka Yot-batha, walipiga kambi yao Abrona.

³⁵Kutoka Abrona, walipiga kambi yao Esion-geberi.

³⁶Waliondoka Esion-geberi, wakasafiri na kupiga kambi yao katika jangwa la Sini, (yaani Kadeshi).

³⁷Kutoka Kadeshi, walipiga kambi yao mlimani Hori, mpakani mwa nchi ya Edomu.[192]

³⁸Kwa agizo la Mwenyezi-Mungu kuhani Aroni alipanda juu ya Mlima Hori, na huko, akafariki mnamo siku ya kwanza ya mwezi wa tano, mwaka wa arubaini tangu Waisraeli walipotoka nchini Misri.

³⁹Aroni alikuwa na umri wa miaka 123 alipofariki juu ya Mlima Hori.

⁴⁰Mfalme wa Aradi, Mkanaani, aliyekaa Negebu katika nchi ya Kanaani, alipata habari kwamba Waisraeli walikuwa wanakuja.

⁴¹Kutoka Mlima Hori, Waisraeli walipiga kambi yao Salmona.

⁴²Kutoka Salmona, walipiga kambi yao Punoni.

⁴³Kutoka Punoni, walipiga kambi yao Obothi.

⁴⁴Kutoka Obothi, walipiga kambi yao Iye-abarimu, katika eneo la Moabu.

⁴⁵Kutoka Iye-abarimu, walipiga kambi yao Dibon-gadi.

⁴⁶Kutoka Dibon-gadi, walisafiri na kupiga kambi yao Almon-diblathaimu.

⁴⁷Kutoka Almon-diblathaimu, walisafiri na kupiga kambi yao katika milima ya Abarimu, karibu na Mlima Nebo.

⁴⁸Kutoka milima ya Abarimu, walisafiri na kupiga kambi yao katika tambarare za Moabu ng'ambo ya mto Yordani karibu na Yeriko.

⁴⁹Walipiga kambi hiyo karibu na mto Yordani kati ya Beth-yeshimothi na bonde la Abel-shitimu kwenye tambarare za Moabu.

⁵⁰Katika tambarare za Moabu, ng'ambo ya mto Yordani karibu na Yeriko, Mwenyezi-Mungu alimwambia Mose,

⁵¹“Waambie Waisraeli kwamba mtakapovuka mto Yordani na kuingia katika nchi ya Kanaani,

⁵²wafukuzeni wenyeji wote wa nchi hiyo mbele yenu. Mtaziharibu sanamu zao zote za mawe na za kusubu na kupabomoa kila mahali pao pa juu pa ibada.

⁵³Mtaichukua nchi hiyo na kukaa humo kwa sababu nimewapeni muimiliki.

⁵⁴Mtaigawanya nchi hiyo kwa kura kufuata familia zenu; eneo kubwa kwa kabila kubwa na eneo dogo kwa kabila dogo.

⁵⁵Lakini kama msipowafukuza wenyeji wa nchi hiyo kwanza, basi wale mtakaowaacha watakuwa kama vibanzi machoni mwenu au miiba kila upande, na watawasumbua.[193]

⁵⁶Nami nitawafanyeni nyinyi kama nilivyokusudia kuwafanya wao.”