Read Swahilli Zaburi 11 Bible Online

Zaburi 11 - Swahilli bible

Zaburi 11

¹(Kwa Mwimbishaji. Zaburi ya Daudi) Kwake Mwenyezi-Mungu nakimbilia usalama; mnawezaje basi kuniambia: “Ruka kama ndege, mpaka milimani,[67]

²maana waovu wanavuta pinde; wameweka mishale tayari juu ya uta, wawapige mshale watu wema gizani!

³Kama misingi ikiharibiwa, mtu mwadilifu atafanya nini?”

⁴Mwenyezi-Mungu yumo katika hekalu lake takatifu; kiti cha enzi cha Mwenyezi-Mungu kiko mbinguni.[68] Kwa macho yake huwachungulia wanadamu, na kujua kila kitu wanachofanya.

⁵Mwenyezi-Mungu huwapima waadilifu na waovu; huwachukia kabisa watu wakatili.

⁶Atawanyeshea waovu makaa ya moto na madini ya kiberiti; upepo wa hari utakuwa ndio adhabu yao.

⁷Mwenyezi-Mungu ni mwadilifu na apenda uadilifu; watu wanyofu watakaa pamoja naye.