Read Swahilli Ezekieli 19 Bible Online

Ezekieli 19 - Swahilli bible

Ezekieli 19

¹[105] Mungu aliniambia niimbe utenzi huu wa maombolezo kuhusu wakuu wa Israeli:[106]

²Mama yenu alikuwa simba[107] wa fahari miongoni mwa simba wengine. Alikaa kati ya simba vijana, akawalisha watoto wake.

³Alimlea mtoto mmojawapo wa watoto wake, mtoto huyo naye akawa simba kijana hodari. Akajifunza kwa mama yake kuwinda, akawa simba mla watu.

⁴Mataifa yakapiga mbiu ya hatari dhidi yake, wakamnasa katika mtego wao, wakampeleka kwa ndoana mpaka Misri.

⁵Mama yake alipoona kuwa amechoka kungoja, matumaini ya kumpata yamekwisha, alimchukua mtoto wake mwingine, akamfanya simba kijana hodari.

⁶Huyo alipokuwa amekua, akaanza kuzurura na simba wengine. Naye pia akajifunza kuwinda, akawa simba mla watu.

⁷Aliziandama ngome za watu na kuiharibu miji yao. Nchi ikatishika pamoja na wakazi wake, kwa sauti ya kunguruma kwake.

⁸Mataifa yakamkabili kutoka mkoani mwao kote, wakatandaza wavu wao juu yake, naye akanaswa katika mtego wao.

⁹Kwa ndoana wakamtia katika kizimba chao, wakampeleka kwa mfalme wa Babuloni. Huko, wakamtia gerezani, ili ngurumo yake isisikike tena juu ya milima ya Israeli.

¹⁰Mama yako alikuwa kama mzabibu[108] shambani, uliopandikizwa kando ya maji, ambao ulizaa sana kwa kuwa na maji tele.

¹¹Ulikuwa na matawi yenye nguvu, ambayo yalikuwa fimbo za kifalme. Mzabibu huo ulikua kupita miti mingine, watu waliusifu ukubwa wa shina lake na wingi wa matawi yake.

¹²Lakini uling'olewa kwa hasira ukatupwa chini ardhini; upepo wa mashariki[109] ukaukausha, matunda yake yakapukutika; matawi yake yenye nguvu yalikaushwa, nao moto ukauteketeza.

¹³Na sasa umepandikizwa jangwani, katika nchi kame isiyo na maji.

¹⁴Lakini moto umetoka kwenye shina lake, umeyateketeza matawi na matunda yake. Matawi yake kamwe hayatakuwa na nguvu, wala hayatakuwa fimbo za kifalme. Huo umekuwa wimbo wa maombolezo; ndivyo unavyoimbwa daima.