Read Swahilli Yoshua 19 Bible Online

Yoshua 19 - Swahilli bible

Yoshua 19

¹Kura ya pili ilizipata koo za kabila la Simeoni na sehemu yao ya nchi ilikuwa imezungukwa na ile ya kabila la Yuda.

²Kabila la Simeoni lilipata miji ya Beer-sheba, Sheba, Molada

³Hasar-shuali, Bala, Esemu,

⁴Eltoladi, Bethuli, Horma,

⁵Siklagi, Beth-markabothi, Hasar-susa,

⁶Beth-lebaothi na Sharuheni. Jumla ya miji waliyopewa ni kumi na mitatu pamoja na vijiji vyake.

⁷Pia kulikuwa na miji ya En-rimoni, Etheri, na Ashani. Jumla ya miji waliyopewa ni minne pamoja na vijiji vyake.

⁸Pamoja na vijiji vyote vilivyoizunguka miji hiyo hadi Baalath-beeri, (au Rama) ya Negebu. Hizo zote ni sehemu zilizopewa koo za kabila la Simeoni.

⁹Kwa vile eneo lililopewa kabila la Yuda lilikuwa kubwa kuliko kabila hilo lilivyohitaji, sehemu ya eneo lake lilipewa kabila la Simeoni.

¹⁰Kura ya tatu ilizipata koo za kabila la Zebuluni. Eneo lao lilienea hadi Saridi.[75]

¹¹Kutoka huko mpaka wake ulikwenda magharibi hadi Mareali, ukapitia pembeni mwa Dabeshethi na kwenda kwenye kijito kilichoko mashariki ya Yokneamu.

¹²Kutoka Saridi, mpaka huo ulielekea mashariki hadi kwenye mpaka wa Kisloth-tabori, na kutoka huko ukapita Daberathi hadi Yafia.

¹³Kutoka Yafia uliendelea mashariki hadi Gath-heferi, Eth-kasini, na kuendelea hadi Rimoni ambako ulipanda kuelekea Nea.

¹⁴Upande wa kaskazini mpaka uligeuka kuelekea Hanathoni na kuishia kwenye bonde la Yiftaheli.

¹⁵Ukajumuisha miji ya Katathi, Nahalali, Shimroni, Yidala na Bethlehemu.[76] Jumla ya miji waliyopewa ni kumi na miwili pamoja na vijiji vyake.

¹⁶Hiyo ndiyo sehemu zilizopewa koo za kabila la Zebuluni miji hiyo pamoja na vijiji vyake.

¹⁷Kura ya nne ilizipata koo za kabila la Isakari.

¹⁸Eneo lenyewe lilikuwa na miji ya Yezreeli, Kesulothi, Shunemu,

¹⁹Hafaraimu, Shioni, Anaharathi,

²⁰Rabithi, Kishioni, Ebesi,

²¹Remethi, En-ganimu, En-hada na Beth-pasesi.

²²Kadhalika, mpaka wao ulifika Tabori,[77] Shahasuma, Beth-shemeshi[78] na kuishia kwenye mto Yordani. Jumla ya miji waliyopewa ni kumi na sita pamoja na vijiji vyake.

²³Hizo ndizo sehemu zilizopewa koo za kabila la Isakari; miji hiyo pamoja na vijiji vyake.

²⁴Kura ya tano ilizipata koo za kabila la Asheri.

²⁵Eneo la nchi yao lilikuwa na miji ya Helkathi, Hali, Beteni, Akshafi,

²⁶Alameleki, Amadi na Mishali. Kwa upande wa magharibi mpaka uligusana na Karmeli na Shihor-libnathi.

²⁷Kisha ukageuka kuelekea mashariki kwenda Beth-dagoni ambako unagusana na Zebuluni na bonde la Iftaheli. Halafu ukaendelea kaskazini hadi Beth-emeki, Neieli na kuzidi kuelekea kaskazini hadi Kabuli,

²⁸Ebroni, Rehobu, Hamoni, Kana hadi Sidoni Kuu.

²⁹Hapo, mpaka uligeuka kuelekea Rama[79] na kufikia kwenye mji wa Tiro uliokuwa na ngome. Kisha ukageuka kuelekea Hosa na kuishia kwenye bahari ya Mediteranea. Miji mingine iliyokuwamo ni Maharabu, Akzibu,

³⁰Uma, Afeka na Rehobu. Jumla ya miji waliyopewa ni ishirini na miwili pamoja na vijiji vyake.

³¹Sehemu hizo ndizo zilizopewa koo za kabila la Asheri; miji hiyo pamoja na vijiji vyake.

³²Kura ya sita ilizipata koo za kabila la Naftali.

³³Mpaka wake ulianzia Helefu na mwaloni mwa Zaananimu, ukapita Adami-nekebu na Yabneeli hadi Lakumu na kuishia kwenye mto Yordani.

³⁴Kutoka hapo mpaka ulikwenda magharibi kuelekea Aznoth-tabori; toka huko ukaenda Hukoki na kugusana na pembe ya kusini ya eneo la kabila la Zebuluni; kisha kugusana na eneo la kabila la Asheri upande wa magharibi, na kugusana na eneo la kabila la Yuda. Kwa upande wa mashariki mpaka ukiingilia kwenye mto Yordani.

³⁵Miji yao iliyokuwa na ngome ni Zidimu, Zeri, Hamathi, Rakathi, Kinerethi,

³⁶Adama, Rama, Hazori,

³⁷Kedeshi, Edrei, En-hazori,

³⁸Yironi, Migdaleli, Horemu, Beth-anathi na Beth-shemeshi. Jumla ya miji waliyopewa ni kumi na tisa pamoja na vijiji vyake.

³⁹Hizo ndizo sehemu zilizopewa koo za kabila la Naftali; miji hiyo pamoja na vijiji vyake.

⁴⁰[80] Kura ya saba ilizipata koo za kabila la Dani.

⁴¹Eneo la nchi yao lilikuwa na miji ya Sora, Eshtaoli, Ir-shemeshi

⁴²Shaalabini, Aiyaloni, Yithla,

⁴³Eloni, Timna, Ekroni

⁴⁴Elteke, Gibethoni, Baalathi,

⁴⁵Yehudi, Bene-beraki, Gath-rimoni,

⁴⁶Me-yarkoni na Rakoni na nchi iliyokuwa karibu na Yopa.

⁴⁷Watu wa kabila la Dani walipopoteza nchi yao, walikwenda na kuushambulia mji wa Leshemu. Waliushinda na kuuteka, na baada ya kuwaua wakazi wake wote, waliumiliki halafu wakabadili jina la mji huo kuwa Dani; jina ambalo lilikuwa ni la babu yao.

⁴⁸Hizo ndizo sehemu zilizopewa koo za kabila la Dani; miji hiyo pamoja na vijiji vyake.

⁴⁹Walipomaliza kugawiana sehemu zote za nchi, Waisraeli walimpa Yoshua, mwana wa Nuni, sehemu yake katikati yao.

⁵⁰Kulingana na amri ya Mwenyezi-Mungu walimpa mji ambao aliuchagua yeye mwenyewe, yaani Timnath-sera, ambao ulikuwa katika nchi ya milima ya Efraimu. Naye Yoshua akaujenga upya mji huo na kukaa humo.

⁵¹Basi, kuhani Eleazari na Yoshua, mwana wa Nuni, pamoja na viongozi wa makabila ya Waisraeli waligawa sehemu hizo kwa kura mbele ya Mwenyezi-Mungu mlangoni mwa hema la mkutano huko Shilo. Basi, wakakamilisha kuigawa nchi.