Read Biblia Mixe de Quetzaltepec 1 Crónicas 2 Bible Online

1 Crónicas 2 - Biblia Mixe de Quetzaltepec bible

1 Crónicas 2

¹Yë Israel y'u'unk y'ëna'k jä'ä xyëëwajtë: Rubén, Simeón, Leví, Judá, Isacar, Zabulón,

²Dan, José, Benjamín, Neftalí, Gad ets Aser.

³Ja Judá y'u'unk y'ok jä'ä xyëëwajtë: Er, Onán ets Selá. Ja tyaakëty ya'atë nitëkëëkpë ëna'këty, jä'ä ijty xyëëwajtyp Sua, Canaán ja'ay. E yë Er mëti'ipë Judá kyä'äxkopk'ajtypyën ëxëëk ijty jyä'äy'äty paaty ojts yë Wintsën pyëjkëty yë jyuukyajtën.

⁴Ja Judá tsyu'u mëti'ipë xyëëwajtypyën Tamar mäjtsk ojts y'u'unk tyajminy tyaja'ty naaxwiiny, tu'uk mëti'ipë xyëëwajtëpën Fares ets tu'uk Zérah. Jä'ä nyiwinë'ajtë ja Judá ja y'u'unk y'ëna'k nimëkoxk.

⁵Yë Fares y'u'unk y'ëna'k jä'ä xyëëwajtë: Hesrón ets Hamul.

⁶Yë Zérah y'u'unk y'ëna'k jä'ä xyëëwajtë: Zimri, Etán, Hemán, Calcol ets Dardë, nimëkoxk nyiwinë'ajtë.

⁷Yë Carmí y'u'unk y'ëna'k jä'ä xyëëwajt: Acar, mëti'ipë ojts y'ëyo'onpëjktä'äkyën jam ma ja Israel ja kajpnën ko tnixajëy mëti'ipë ënäty ja Tios të tni'ënä'ämën ets kyutëkooytya'ajëty.

⁸Yë Etán y'u'unk y'ëna'k je'eyë tu'uk y'ijty, yë Azarías.

⁹Yë y'u'unk y'ëna'k yë Hesrón jä'ä xyëëwajtë: Jerahmeel, Ram ets Quelubai.

¹⁰Yë y'u'unk y'ëna'k yë Ram jä'ä xyëëwajt Aminadab; e yë Aminadab yë y'u'unk y'ëna'k jä'ä xyëëwajt Nahasón, mëti'ipë ojts ja Judá ja y'u'unk y'ok tnikopk'atyën.

¹¹Nahasón jä'ä y'u'unk y'ëna'k xyëëwajt Salmá, e yë Salmá jä'ä y'u'unk y'ëna'k xyëëwajt Booz;

¹²yë Booz jä'ä y'u'unk y'ëna'k xyëëwajt Obed; e yë Obed jä'ä y'u'unk y'ëna'k xyëëwajt Jesé;

¹³yë Jesé jä'ä y'u'unk y'ëna'k xyëëwajt Eliab, ja mëtu'ukpë, Abinadab ja mëmäjtskpë; Simá ja mëtëkëëkpë;

¹⁴Natanael ja mëmajktaxkpë; Radai ja mëmëkoxkpë;

¹⁵Osem ja mëtëtujkpë ets David ja mëwëxtujkpë.

¹⁶Tam ja y'utyëty to'oxytyëjkpë ets ja tsyë'ëjëty mëti'ipë xyëëwajtën: Sarvia ets Abigail. Yë y'u'unk y'ëna'k yë Sarvia nitëkëëk ijtyëty: Abisai, Joab ets Asael.

¹⁷Abigail tu'uk ojts y'u'unk y'ity mëti'ipë xyëëwajtën Amasá, jä'ä tyeety xyëëwajt Jéter, Ismael ja'ay.

¹⁸Caleb, yë myaank yë Hesrón ojts yë tyo'oxytyëjk Azubá tu'uk yë u'unk maay tyajmëxu'unk'aty, mëti'ipë tyijtën Jeriot. Ojts näjyëtu'un wiinkëtypë y'u'unk tmëët'atë mëti'ipë xyëëwajtëpën: Jéser, Sobab ets Ardón.

¹⁹Ko Azubá y'o'ky, yë'ë Caleb ojts mëët pyiky yë Efrata, mëti'ipë yajmëxu'unk'ajtën yë Hur.

²⁰Hur jä'ä y'u'unk y'ëna'k xyëëwajtë Urí, e yë Urí jä'ä y'u'unk y'ëna'k xyëëwajtë Besalel.

²¹Ko yë Hesrón ënäty yë jyëmëjt tëkë'px, ënät ojts mëët pyiky ja nyëëx ja Maquir, yë Galaad tyeety ets ja tyo'oxytyëjk tyajmiiny tu'uk ja u'unk maay naaxwiiny mëti'ipë tyijtën Segub.

²²Segub jä'ä y'u'unk y'ëna'k xyëëwajt Jair, mëti'ipë ojts i'px tëkëëk ja kajpn tyajkojyën, jam ma ja Galaad ja y'itjotmën.

²³E ja ja'ayëty mëti'ipë xyëëwajtëpën Guesur ets Aram ojts tniwa'këtë ja Jair ja y'ijtakn ets ojts näjyëtu'un tniwa'aktë ja kajpn mëti'ipë txëëwajtpën Quenat mëët ja mutskëtypë ja kajpn mëti'ipë yë'ë nyitënääpyën; jä'ä wyinë'aty tëkë'px kajpn. Tëkokyë ya'atë ja'ayëty aakyë'ë Maquir y'u'unk y'ok ijtë, Galaad yë tyeety.

²⁴Ko yë Hesrón ojts y'o'knë jam Caleb, ma ja Efrata y'itjotmën; yë Abías, Hesrón yë tyo'oxytyëjk ojts tyajmëxu'unk'aty yë Ashur, mëti'ipë Tecoa tyeety'ajtën.

²⁵Yë y'u'unk y'ëna'k yë Jerahmeel, yë kyä'xkopk yë Hesrón, jä'ä xyëëwajtë: Ram, ja kä'äxkopk; Buná, Orén, Osem ets Ahías.

²⁶Jerahmeel tam ijty wiinkpë tyo'oxytyëjk jä'ä xyëëwajtyp Atará, mëti'ipë ojts Onam taak'atyën.

²⁷Yë y'u'unk y'ëna'k yë Ram, mëti'ipë yë Jerahmeel kyä'äxkopk'ajtypyën jä'ä xyëëwajtë: Maas, Jamín ets Equer.

²⁸Yë y'u'unk y'ëna'k yë Onam, jä'ä xyëëwajtë: Samai ets Jadá. Yë y'u'unk y'ëna'k yë Samai, jä'ä xyëëwajtë: Nadab ets Abisur.

²⁹Ja tyo'oxytyëjk ja Abisur jä'ä ijty txëëwaty Abihail, e yë'ë ojts taak'aty Ahbán ets Molid.

³⁰Ja y'u'unk y'ëna'k ja Nadab jä'ä xyëëwajtë: Seled ets Apaim. Seled jëtu'unyë y'o'ky, ka'ap tmëët'ajty y'u'unk y'ëna'k.

³¹Apaim jä'ä y'u'unk myääy xyëëwajt Isí. Yë Isí jä'ä y'u'unk y'ëna'k xyëëwajt Sesán. Yë Sesán jä'ä y'u'unk y'ëna'k xyëëwajt Ahlai.

³²Yë y'u'unk y'ëna'k yë Jadá, myëkä'äx yë Samai, jä'ä y'u'unk y'ëna'k xyëëwajtë: Jéter ets Jonatán. Jéter jëtu'unyë y'o'ky ka'ap y'u'unk y'ijty.

³³Yë y'u'unk y'ëna'k yë Jonatán jä'ä xyëëwajtë Pélet ets Zazá. Ya'atë ojts t'u'unk'aty t'ok'aty yë Jerahmeel:

³⁴Sesán ka'ap tmëët'ajty myaank; yi'iyë nyëëx. Je'eyëp ko tam ijty tu'uk Egiptë ja'ay tyajmëtuny, mëti'ipë xyëëwajtypyën Jarhá,

³⁵yë'ë ojts tyajpëky tyaj'uuky mëët tu'uk ja nyëëx ets ojts tmëët'atë ja y'u'unkëty mëti'ipë tyijtën: Atai.

³⁶Atai jä'ä myaank xyëëwajt Natán, Natán jä'ä myaank xyëëwajt Zabad,

³⁷Zabad jä'ä myaank xyëëwajt Eflal, Eflal jä'ä myaank xyëëwajt Obed,

³⁸Obed jä'ä myaank xyëëwajt Jehú, Jehú jä'ä myaank xyëëwajt Azarías,

³⁹Azarías jä'ä myaank xyëëwajt Heles, Heles jä'ä myaank xyëëwajt Alasa,

⁴⁰Elasá jä'ä myaank xyëëwajt Sismai, Sismai jä'ä myaank xyëëwajt Salum,

⁴¹Salum jä'ä myaank xyëëwajt Jecamías, e yë Jecamías jä'ä myaank xyëëwajt Elisamá.

⁴²Yë y'u'unk y'ëna'k yë Caleb, mëti'ipë myëkä'äx'ajtypyën yë Jerahmeel, jä'ä mëëtu'uk txëëwaty Mesá, mëti'ipë kä'äxkopkën, mëti'ipë ojts teety'ätyën yë Zif; e ma mëmäjtskpë jä'ä xyëëwajtyp Maresá mëti'ipë Hebrón tyeety'ajtën.

⁴³Yë y'u'unk y'ëna'k yë Hebrón jä'ä xyëëwajtë: Coré, Tapúah, Réquem ets Semá.

⁴⁴Semá jä'ä y'u'unk y'ëna'k xyëëwajtë Raham, Räham jä'ä myaank xyëëwajt Jorcoam; e yë Réquem jä'ä myaank xyëëwajt Samai.

⁴⁵Samai jä'ä myaank xyëëwajt Maón, mëti'ipë tyeety'ajtën yë Bet-sur.

⁴⁶Ja to'oxytyëjk mëti'ipë xyëëwajtypyën Efa, ja Caleb ja myëmäjtsk to'oxytyëjk, jä'ä ja myaank xyëëwajtë Harán, Mosá, ets Gazez. Harán jä'ä myaank xyëëwajt Gazez.

⁴⁷Jahdai jä'ä xyëëwajtë y'u'unk y'ëna'k, Réguem, Jotam, Guesán, Pelet, Efa ets Saaf.

⁴⁸Ja wiinkpë ja to'oxytyëjk mëti'ipë txëëwajtëpën Maacá, yë'ë Caleb myëtëkëëk to'oxytyëjk, yë'ë ojts t'u'unk'aty mëti'ipë xyëëwajtën Séber ets Tirhaná.

⁴⁹Yë'ë y'u'unk'ajt Saaf, mëti'ipë tyeety'ajtën Madmaná ets Seva, mëti'ipë tyeety'ajtën Macbená ets Guibeá. Caleb tam ijty tu'uk nyëëx mëti'ipë xyëëwajtën Acsa.

⁵⁰Ya'atë jëtu'un ojts yë Caleb t'u'unk'aty t'ok'aty. Yë y'u'unk y'ëna'k yë Hur, yë Efrata kyä'äxkopk jä'ä xyëëwajtë: Sobal, mëti'ipë Quiriat-jearim tyeety'ajtën;

⁵¹Salma xyëëwajt yë Belén tyeety; ets Haref xyëëwajtyp ja Bet-gader tyeety.

⁵²Sobal y'u'unk y'ëna'k, mëti'ipë tyeety'ajtën yë Quiriat-jearim, jä'ä xyëëwajtë: Refaías ets nikujkwä'kxy ja ja'ayëty mëti'ipë yajtijtëpën Menahem ja'ayëty

⁵³kujkwä'kxy yë Quiriat-jearim jyä'äy, mëti'ipë ojts yajtijtën: Itri ja'ayëty, Fut ja'ayëty, sumatitë ja'ayëty ets Misraim ja'ayëty, ma tsyoontën ja mëti'ipë yajtijtëpën Sorá ja'ayëty ets Estaol ja'ayëty.

⁵⁴Yë y'u'unk y'ëna'k yë Salma jä'ä xyëëwajtë: Belén ets mëti'ipë yajtijtëpën netofatitës, atrot-bet-joab ets nikujkwä'kxy ja manahetitë ja'ayëty, soreitë ja'ayëty

⁵⁵ets ja jyä'äy ja soferitë ja'ayëty mëti'ipë ijty jam tsënääpyën Jabés, jä'ä jëtu'unëty mëti'ipë yajtijtëpën tiratejë ja'ayëty, simatejë ja'ayëty ets sucatejë ja'ayëty. Yë'ë ya'atë ojts yajtijtë quenitas ma tsyoontën yë Hamat, mëti'ipë tyeety'ajtën Bet-recab.