Read Biblia Mixe de Quetzaltepec 1 Crónicas 7 Bible Online

1 Crónicas 7 - Biblia Mixe de Quetzaltepec bible

1 Crónicas 7

¹Isacar y'u'unk y'ëna'k, taxk y'ijtë: Tolá, Puvá, Jasub ets Simrón.

²Tolá y'u'unk y'ëna'k jä'ä xyëëwajtë: Uzí, Refaías, Jeriel, Jahmai, Ibsam ets Samuel, ya'atë ojts tnikopk'atë ja myëku'uktëjkëty ma ja Tolá y'u'unk y'ëna'kën ets mëjtsiptuunpë ja'ay ijtyëty; aakjëtu'un tyimtu'ukyë ja'ay'ajtë, ma ja David jyuuky'äjtyën jä'ä ojts nyiwinë'atë i'px mäjtsk mil ja tëtujk mëko'px.

³Uzí jä'ä myaank xyëëwajt Israhías. Israhías jä'ä myaank xyëëwajtë: Micael, Abdías, Joel ets Isías. Nimëkoxk y'ijtë mëti'ipë nyikopk'ajtën ja jyä'äyëty.

⁴Ja ja'ayëty mëët ko may ja to'oxytyëjk tmëët'ajtë ets nimay näjyëtu'un ja y'u'unk y'ëna'këty, paatykyëjxm ojts nimay y'itë ja ja'ayëty mëti'ipë jyëkyäjptëpën tsyiptuntëty, jä'ä nyiwinë'ajtë i'px majkmokx tu'uk mil.

⁵Yi'iyëpë ja Isacar ja jyä'äy mëti'ipë jaaypyety xyëëw miintëpën jä'ä nyiwinë'ajtë, majkta'px wëxtujk mil aak ye'etyëjktëjkëty ets tëkokyë yë'ëjëty aak jotmëkja'ay ets tsiptuunpë ja'ay ijtyëty.

⁶Benjamín ja y'u'unk y'ëna'k, nitëkëëk y'ijtë: Belá, Béquer ets Jediael.

⁷Belá, nimëkoxk y'u'unk y'ëna'k y'ijtë: Esbón, Uzí, Uziel, Jerimot ets Irí. Aakyë'ë mëti'ipë nyikopk'ajtën jyä'äy ets tsip'ixy ets jotmëkëty ijtyëty. Jä'ä nyiwinë'ajtë i'px mäjtsk mil ja i'px majktaxk, mëti'ipë ojts jaaypyety y'itën.

⁸Béquer y'u'unk y'ëna'k jä'ä xyëëwajtë: Zemirá, Joás, Eliézer, Elioenai, Omri, Jerimot, Abías, Anatot ets Alémet. Tëkokyë ya'atë ja'ayëty aakyë'ë Béquer y'u'unk'ajt y'ëna'k'ajt,

⁹jëtu'un tä yajkujaaytyën ets nyokytyëjkëtyën ja xyëëwëty, tu'kjëën tu'ktëjk, tu'uk u'unk tu'k ëna'k jä'ä nyiwinë'ajtë, i'px mil ja mäjtsk mëko'px ja ye'etyëjktëjkëty ets jotmëkja'ay ijtyëty.

¹⁰Jediael ja myaank jä'ä xyëëwajt, Bilhán. Bilhán y'u'unk y'ëna'k jä'ä xyëëwajtë: Jeús, Benjamín, Ehud, Quenaaná, Zetán, Tarsis ets Ahisáhar.

¹¹Tëkokyë ya'atë ja'ayëty aakyë'ë Jediael y'u'unk y'ok, yë'ë nyikopk'ajtë y'u'unk y'ëna'këty jyëën tyëjkëty, tsiptuunpë ja'ay ijtyëty ets jotmëkëty. Jä'ä nyiwinë'ajtë majkmokx mäjtsk mil ja mäjtsk mëko'px aak ye'etyëjktëjk.

¹²Ir y'u'unk y'ëna'k jä'ä xyëëwajtë: Sufam ets Hufam. Aher myaank jä'ä xyëëwajt Hisim.

¹³Neftalí ja y'u'unk y'ëna'k jä'ä xyëëwajtë: Jahseel, Guní, Jézer ets Salum. Yë'ë ya'atë y'u'unk'ajt y'ok'ajt Bilhá.

¹⁴Ja Manasés ja y'u'unk y'ëna'k mëti'ipë mëët t'u'unk'ajtyën ja mëmäjtskpë ja tyo'oxytyëjk, sirië ja'ay; jä'ä xyëëwajtë: Asriel ets Maquir, mëti'ipë tyeety'ajtën ja Galaad.

¹⁵Maquir yë'ë mëët pyijky ja to'oxytyëjk mëti'ipë xyëëwajtypyën Maacá, jampë tsyo'onyën ma ja Hufam ets Sufam ja jyä'äyën. Ja mëmäjtskpë myaank ja Maquir jä'ä ijty xyëëwajtyp Zelofehad, mëti'ipë aak to'oxy'ëna'k y'u'unk'ajtën.

¹⁶Maacá, Maquir tyo'oxytyëjk ojts tu'uk u'unk maay tyaja'ty ye'etyëjkpë, jä'ä txëëwmooy Perés. Ja Perés ja myëkä'äx jä'ä ijty txëëwaty Serés ets ja y'u'unk y'ëna'k jä'ä xyëëwajtë Ulam ets Réquem.

¹⁷Ulam jä'ä myaank xyëëwajt Bedán. Ya'atë jëtu'un y'u'unk'ajt y'ëna'k'ajt ja Galaad, myaank yë Maquir, y'u'unk yë Manasés.

¹⁸Ja Maquir ja myëkä'äx to'oxytyëjkpë jä'ä xyëëwajt Hamolequet, yë'ë tyaak Is-hod, Abiézer ets Mahlá.

¹⁹Yë Semidë y'u'unk y'ëna'k jä'ä xyëëwajtë Ahián, Siquem, Liquehí ets Aniam.

²⁰Ko yi'iyë Efraín y'u'unk y'ok nmëtyo'owmëty jä'ä xyëëwajtë: Sutelá, Béred, Tahat, Eládë, Tahat, Zabad, Sutelá. Éser ets Elád, ja wiinkpë ja y'u'unk y'ëna'k ja Efraín ojts y'ooktë, yë'ë yaj'o'këtë ja'ayëty mëti'ipë jam tsënaaytyëpën ma ja Gad ja y'itjotmën, jä'ä ko jam ojts tjamäätsa'antë ja tsajpkaa.

²²Efraín mëk ojts tyeety nyimony nyitukyë, oknëm myiintë ja jyiiky myëku'ukëty ets ojts yajjotkujkta'akëtë jatëkok.

²³Ënät ja tyo'oxytyëjk tsojky tja'awëy ets ja tyo'oxytyëjk ojts wyi'imy u'unk mëët, mëti'ipë xyëëwmooytyën Beriá, jä'ä ko mëj këjää ënäty ja ëyo'on të kyëtä'äky ma jyëën tyëjkëtyën.

²⁴Seerá tu'uk txëëwajty ja Beriá nyëëx ets ojts tu'uk kajpn tyajtso'ontä'äky mëti'ipë tyijën Bet-horón ëpa'tkë'ëypyë yajpaatyën ets Bet-horón anëkëjxypyë ets jam wiinkpë ja kajpn mëti'ipë tyijën Uzen-seera.

²⁵Ja Beriá ja y'u'unk y'ok, ko yi'iyë nmëtsyowa'anmëty, jä'ä xyëëwajtë: Refa, Résef, Teláh, Tahan, Ladán, Amiud, Elisamá, Nun ets Josué.

²⁸Jam tmëët'ajtë ja nyaax kyamëty ets ja tsyënaaytyaknëty Betel; jam Naarán, a'oytsyowpë wyi'imyën ets Guézer, anajnytsyowpë wyi'imyën; jam Siquem tsyoony tyimja'ty jam Ayah, tëkokyë ya'atë kajpn tu'ukjaty aaktam ja nyinaax ets aaktam ja nyiyuutakn nyituuntakn.

²⁹E ja Manasés ja y'u'unk y'ok yë'ë ojts tjä'ä'atë ja Bet-sean, Taanac, Meguido ets Dor, mëët ja nyituuntakn ets ja nyinaax nyikam; ma ya'atë itjotmën ojts tsyëënëtë ja José y'u'unk y'ok, mëti'ipë Israel y'u'unk'ajtën.

³⁰Aser jä'ä y'u'unk y'ëna'k xyëëwajtë Imná, Isvá, Isví, Beriá ets Sérah, yë'ë tsyë'ëjëty tääpë ëna'këty.

³¹Beriá jä'ä y'u'unk y'ëna'k xyëëwajtë: Héber ets Malquiel, mëti'ipë Birzávit tyeety'ajtën.

³²Éber yë'ë teety'ajtë Jaflet, Semer, Hotam ets Sua, yë'ë tsyë'ëjëty tääpë ëna'këty.

³³Jeflet jä'ä y'u'unk y'ëna'k xyëëwajtë: Psac, Bimhal ets Asvat.

³⁴Yë Semer, Jeflet myëkä'äx, jä'ä y'u'unk y'ëna'k xyëëwajtë: Rohgá, Jehubá ets Aram.

³⁵Hotam yë Semer myëkä'äx, jä'ä y'u'unk y'ëna'k xyëëwajtë: Zofah, Imná, Seles ets Amal.

³⁶Zofah y'u'unk y'ëna'k jä'ä xyëëwajtë Súah, Hernéfer, Sual, Berí, Imrá,

³⁷Béser, Hod, Samá, Silsa, Itrán ets Beerá.

³⁸Jéter y'u'unk y'ëna'k jä'ä xyëëwajtë Jefuné, Pispá ets Ará.

³⁹Ulá y'u'unk y'ëna'k jä'ä xyëëwajtë Ará, Haniel ets Rezia.

⁴⁰Tëkokyë ya'atë ja'ayëty aakyë'ë Aser y'u'unk'ajt y'ok'ajt. Yë'ë nyikopk'ajtë ja y'u'unk y'ëna'këty, jotmëk ijtyëty, aak tsiptuuntëp ets mëj'äämpy ja ja'ay jyëkyäjpëtë. Mëti'ipë ojts yajjaaypyätën ja xyëëw jä'ä nyiwinë'ajtë i'px tëtujk mil aak ye'etyëjk, mëti'ipë jyëkyäjpnëtëpën tsyiptuntëty.