Read Biblia Mixe de Quetzaltepec Nehemías 10 Bible Online

Nehemías 10 - Biblia Mixe de Quetzaltepec bible

Nehemías 10

¹Ëëtsëty yam ya'atë noky nyajkojtëp, ntsa'aja'antës ets nkë'ëkaa nkëxtijja'antës: Ëjts, Nehemías maas xy'u'unk'atyën yë Hacalías, mëti'ipë ënäty yajkutujkpën; Sedequías,

²Seraías, Azarías, Jeremías,

³Pashur, Amarías, Malquías,

⁴Hatús, Sebanías, Maluc,

⁵Harim, Meremot, Abdías,

⁶Daniel, Guinetón, Baruc,

⁷Mesulam, Abías, Mijamín,

⁸Maazías, Bilgai ets Semaías. Ya'atë të yajnikajpxtën teety jä'äjëty.

⁹E Leví ja'ayëty tyaa ja xyëëw myintë: Josué, Azanías myaank, Binuy, Henadad y'u'unk y'ok ets Cadmiel;

¹⁰ets ja myëku'uk myëkä'äxëty: Sebanías, Hodías, Quelitá, Pelaías, Hanán,

¹¹Micaías, Rehob, Hasabías,

¹²Zacur, Serebías, Sebanías,

¹³Hodías, Paní ets Beninu.

¹⁴Ja kopktëjkëty mëti'ipë nyikopk'ajtën ja naax kajpn jä'ä xyëëwajtë: Parós, Pahat-moab, Elám, Zatú, Paní,

¹⁵Buní, Azgad, Bebai,

¹⁶Adonías, Bigvai, Adín,

¹⁷Ater, Ezequías, Azur,

¹⁸Hodías, Hasum, Besai,

¹⁹Harif, Anatot, Nebai,

²⁰Magpías, Mesulam, Hezir,

²¹Mesezabel, Sadoc, Jadúa,

²²Pelatías, Hanán, Anaías,

²³Oseas, Hananías, Hasub,

²⁴Halohés, Bilhá, Sobec,

²⁵Rehúm, Hasabna, Maaseías,

²⁶Ahías, Hanán, Anán,

²⁷Maluc, Harim ets Baaná.

²⁸E ja kunaax kukajpnëty tä ja teetyëtyën, Leví ja'ayëtyën, tëjkëwent'ajtpëtyën, ëëpëty, tuunpëty mëti'ipë tsajptëjk këwent'ajtëpën ets mëti'ipë ëpëky të yajtuknipëktën ets wiinktuunk tuntëty ma tuntëtyën mëti'ipë ja Wintsën nyi'ënä'ämëpën mëët ja y'u'unk tyo'oxytyëjkëty ets y'u'unk y'ëna'këty mëti'ipë maaynyëtëp tajnëtëpën,

²⁹ojts tyu'ukmujkta'atë jënu'un ënäty tyu'ukjëëky'at tyu'ukmëku'uk'atën mëët ja kyopktëjkëty ets ojts tnikajpxtë ko tpatuna'antë ja Wintsën ja y'ënä'ämën tyiyajtën mëti'ipë yajwë'ëmën mëët ja Moisés, ets ko tpatuna'antë ja ënä'ämën tëyajtën, ja winma'any ets ja y'aaw y'ayuk ja Wintsën.

³⁰Ets y'ënantë: Ëëtsëty ka'ap niwi'ixtsow nkupëka'antës ets pyëkëty y'uukëty ëëts ja nëëxëty mëët jaaypyaat jaaypyo'kxy ëkë yë'ëjëty mëët ëëts yë'ë nyëëxëty mëët ëëts yë nmaankëty.

³¹E ko pën jyaminëty po'kxënxëëwëtë ajuuy ato'kpë ma ëëts nnaaxëty nkajpnëtyën, nitiijës nkajuyanëtë ets nitii ëëts nkatukmëtooka'antë, oy jyääjëty ma oytiixëëw ntuntësën; näjyëtu'un ko wyëxtujkjëmëjtpätëty ka'ap ëëts nyu'uja'an ntuna'antë ets ja naaxwiinyëtë pyo'kxëty ets nän nimä'kxantëp ëëts ja nyu'kxyëty mëti'ipë ënäty të xymyëjuy të xymyënu'kxtësën.

³²Ojts näjyëtu'un nkäjpxy'atës ets yajyakëty winjëmëjt taxk wiin yë poop pujxn mëti'ipë jap tunëpën ma tsajptëjkën ma nTios'ajtëmë jyëën tyëjkën,

³³ets yajtukjuyëty yë tsajpkääky xëmëpë yajyäkyën mëti'ipë yajmo'ojëpën yë nTeety'ajt nKoonk, ja aaypyajk ujtspajk, ja wintsë'kën ja nino'okpyë ets ja wintsë'kën mëti'ipë yajyajkpën ko jyää'aty po'kxënxëëw, ma po'o pyi'k'atyën ets ja wiinkëtypë ja xëëw; ets tëkokyë mëti'ipë yajyajkpën, ja wintsë'kën ma ja pokyma'kxën yaj'amëtoyën ets yajnimä'kxtëty ja Israel ja'ayëty ets näjyëtu'un ma ja nätyu'ukmukë y'ityën jap ma ja Wintsën ja tsyajptëjkën.

³⁴Ëpëky ja teetytyëjkëty, Leví ja'ayëty ets ja naax kajpnëty, ninu'un tyu'ukjuuky'at tyu'ukmëku'uk'atën, ojts yaj'ijxpëtsëmy ets nyikäkëtyääyëtë ja ja'ay pënjaty tuka'ajëpën winjëmëjt ja ja'axy tyajminëty ma ja Tëyajtën ja tsyajpjëën tsyajptëjkën ets yë'ë yajno'okëty ma ja nWintsën'ajtëm Tios ja wyintsë'këntyaknënta, tä jap myinyën kuja'ay ma ja ënä'ämën tëyajtënën.

³⁵Ojts näjyëtu'un ëëts nkäjpxy'atë ko winjëmëjt ëëts nmënëjkxa'antë ma tsajptëjkën etsës nkë'ëyaka'antë ja n'aaytyëëm n'ujts tëëmëty ets ja aaypyajk ujtspajk mëti'ipë kyëjääjë yajpëjk yajtuunpën kamjotm tu'ujotm,

³⁶ets näjyëtu'un winjëmëjt nmënëjkxa'antës ma ja nTios'ajtëmë ja tsyajptëjkën ëëts ja n'u'unk n'ëna'këty mëti'ipë kä'äxkopkëtyën, näjyëtu'un ja njëyujk ntsajpkaajëtyës, nkupixynyëtyës ntsajpaxëtyës ja kyä'äxkopkëty jëtu'un tä jap myinyën kuja'ay ma ja y'ënä'äm tyiy'ajtënën ets nkë'ëmo'onja'antës ja teetytyëjkëty mëti'ipë jap tuuntëpën.

³⁷Ojts näjyëtu'un ëëts nkäjpxy'atë ets nmënëjkxa'antës ja jë'kxy pëky mëti'ipë ayakë'ajtp akonë'ajtpën, japë nyipetyën ma ja jëën tëjkën mëti'ipë ja teetyëjk jyä'ä'ajtëpën, tä ja mokwayën, aaytyëëm ujts tëëmën, uukyën, onën ets yajmo'otëty näjyëtu'un ja Leví ja'ayëty ja jyi'kxy pyikyëty ma yajpupëkyën tu'kpëky ja majk pëkpyë mëti'ipë jam kamwinm tu'uwinm yajpëjkp yajtuunpën, jä'äxë jëtu'un ja tëyajtën myiny ko yë'ë patëtëp tjä'ä'atëty tu'kpëky ma ja majkjatypë yajpëjkwä'kxyën.

³⁸Ko ënäty ja Leví ja'ayëty nëjkx tpëjkmuka'antë mëti'ipë tu'kpëkpyë ma yajpëjkwä'kxyën ja majk pëkpyë tu'uk pyanëjkxëtëty ja teety Aarón y'u'unk y'ok. E ja Leví ja'ayëty tu'kpëky jam tmënëjkxtëty ja majk pëkpyë ma jam tyu'ukmukyën ja jë'kxy pëky jampë ma tsajptëjkën,

³⁹jä'ä ko yë Israel ja'ayëty ets Leví ja'ayëty yë'ë patëtëp tmënëjkxtëty yë tsajpmok, uuky ets on jam ma pëjkë'ëky y'ityën yë apëjk atu'unën kënu'kxypyë, näjyëtu'un ma ja teetyëjk mya'atën pyo'kxtën mëti'ipë këwent'ajtëpën, ma y'itën ja mëti'ipë ja tëjk'aaw y'atënaaytyëpën, ets ma y'itën mëti'ipë ëëwtëpën yaxtëpën, jampë ma tsajptëjk yajpaatyën. Ets ojts ni'amukë n'ëna'antës ko ka'ap yaj'ëxmatsëty yë tsajptëjk.