Read Biblia Mixe de Quetzaltepec Job 11 Bible Online

Job 11 - Biblia Mixe de Quetzaltepec bible

Job 11

¹Tëkokyë tääpë aaw ayuk mëti'ipë të xykyäjpxyën, jyëkyejpy yë n'ëtsoowinpijtmëty, jä'ä ko ka'ap yë'ëkyëjxmëty tii oy nimëtyakmëty ko jeky nmëtyakmëty.

³¿Tii jä'ä mmay mtajy ko may mmëtyä'äky, tääts ënät ëëtsëty amonyë nwë'ëmtëtyë ets ka'ap tjëkyepy yaj'ëtsoowinpitëty mëti'ipë je'eyë të xynyëxi'iky të xytyukxi'ikyënë?

⁴Mijts jëtu'un m'ëna'any ko yë m'ijxpëjkën mëtëy yë'ë ets ko wa'ats mnäyajnaxyë.

⁵Jëtu'unpëk jeexyë yë Tios yë'ë kë'ëm kyäjpxy ets jeexyë m'ëtsoowinpityë.

⁶Yë'ë, mëët jeexyë wijyajtën kujk'ajtën winë mtuk'ixpëkyë, mëti'ipë tsip yajwinja'apën. Ets jeexyë xy'ëk'ixy ko yë Tios ka'ap mëk mtëytyunyë tä mjapaatyën.

⁷¿Mijts m'ënaanp ko winë xywyinja'awëtya'aja'any mëti'ipë yë Tios tyuunpy kyäjpxypën ets xynyija'awëtya'aja'any tu'kë'ëyë mëti'ipë yë'ë nyija'apën?

⁸¿Tii mnatunäämpy? këjxm ni'ik yajpaaty këtiinëm yë tsajp. ¿Wi'ix xynyanijawëja'any? këk ni'ik yajpaaty këtiinëm yë tsajpkëk.

⁹Mëjwiin ni'ik këtiinëm yë naaxwiinyëtë ets këjääpaat yë y'ëwtity këtiinëm yë mëjmejy.

¹⁰Pën miimp yë Tios ets tsumy tmatsy yë ja'ay ets tukumëtowa'any ja tyëko'oyën, ¿pën y'ëkjëjpkuwa'akëp?

¹¹Yë'ë nyija'ap pën win'ë'ëmp, y'ijxyp yë tuuntëko'oy kajpxtëko'oyën.

¹²Jä'ä xëëw ma ënäty ja krukts ka'ap y'ëkkrukts'ajnën, jä'ä xëëw nëjkx ja tsuuja'ay wyinma'anytyëkë.

¹³Pëjkta'ak yë mwinma'any ets winë oy xytyunëty ets yë'ë Tios mënu'kxta'ak.

¹⁴Pën tëë mtuuntëkoy mkajpxtëkoy, tim kukä'äk; këtii xytyëjkmo'oy yë ëxëëkpë ma mjëën mtëjkën.

¹⁵Jëtu'un wa'ats m'ijxë'ëk mkoowë'ëkëty ets jotkujk myajpaatëty ets nitii xykyatsë'ëkëty;

¹⁶nëjkxëp xyjyä'äytyëkoy ja m'ëyo'on mjotmay; jëtu'un nëjkx xyjyä'äytyëkoy tä yë nëë pyëyi'ikyën,

¹⁷jëtu'un nëjkx yë mjuukyajtën tyi'kxy jyäjy tä xëëwën ko kyujkyxyëëwënë, jëtu'un nëjkx mkutë'kxy mkujajy oy ënäty api'its akoots të myajpaaty.

¹⁸Nëjkxëp xymyëët'aty ëwxijt mä'kxtujkën ets jotkujk nëjkx mjuuky'äty; nëjkxëp mma'ay mpo'kxy oy tsuj, jä'ä ko Tios ënäty mkëwent'ajtëp.

¹⁹Nitii nëjkx mka'ëtsë'ëkëty, jotkujk nëjkx mpo'kxy mpëky. May nëjkx ja'ay mniminyë ets m'amëtowëtëty yë näypyutëkë.

²⁰Yë ëxëëkja'aytyëjk oy nëjkx tjatsoktë näypyutëkë, nëkoopë nëjkx t'ixta'atë, ka'ap tpaata'antë ijtakn maa nyäyu'utsëtëtyën, yë o'kën tëko'oyën yë'ë nëjkx tpaatë t'ixtë.