Read Biblia Mixe de Quetzaltepec Job 22 Bible Online

Job 22 - Biblia Mixe de Quetzaltepec bible

Job 22

¹¿Mijts jä'ä mmay mtajy ko yë ja'ay mëti'ipë wijyën jyëkyejpy yë Tios yajtunëtëtyë?

³¿Maa Tios tuk'oy'äty, mëti'ipë winë maaytyääyëpën, ko mijts mëtëy winë xytyuny ets wa'ats myajpaaty?

⁴Pën yë'ë m'awijtsë'këp ets pyaye'epy yë mpoky, ka'ap yë'ëkyëjxmëty ko mijts oy xymyëtuny,

⁵jä'äkyëjxm jëtu'un mtunyë jä'ä ko mëj këjää winë të xytyuuntëkoy të xykyajpxtëkoy ets mëj këjää yë mpoky.

⁶Mijts, oy xykyayajmëyäty ënäty tii, m'amëtoopy ijty ja mjëëky mmëku'uk winë ko xyajnu'kxy, mpëjkëp ijty yë wyit tyujkxy ets niwa'ats ëxwa'ats xyajwë'ëmy.

⁷Mëti'ipë tëtsëpën ka'ap ijty yë nëë xymyo'oy; mëti'ipë yuu o'këpën ka'ap ijty xyajkay.

⁸Jä'ä ko mëët'ajtyp ja wit meeny paaty ijty wiinkutsë'ëkë mnaxy ets jä'ä ijty mnäjyawëty mijts yowë mniwintsën'ajtyp yë naaxwiinyëtë.

⁹Ko ijty yë ku'ookytyo'oxy tii m'amëtoyë ka'ap ijty tii xymyo'oy ets ëxëëk ijty xytyuny yë ku'ooky u'unktëjk.

¹⁰Paaty yë o'kën mnaye'ey mnanaxyë ets ajotkumonë yë tsë'ëkë mtuktëkëty.

¹¹Akoots winë xy'ijxta'ay, nitii xykya'ixy; jëtu'un mnäjyawëty tëë yowë mnëënikoompety.

¹²Tios tam ja tsajpkëjxm yajpaaty; yë mëtsa'a mëti'ipë këjxmëtyën tyekpya'tkë'p yajpata'atë.

¹³Mijts jëtu'un të m'ëna'any, ko yë Tios ka'ap tii t'ixy, yë'ë yëkyoots ëtujkëp. Jëtu'un të m'ëna'any ko yë Tios ka'ap tii t'ixy jä'ä ko jämyë nyäxy tyëkë tsajpjotm.

¹⁵¿Wi'ix yë mwinma'any xypyëjktä'äky? ¿Näyjyëtu'un winë xytyuna'any tä yë ëxëëkja'aytyëjk winë tuntënë?

¹⁶Yë'ëjëty jëtu'un të y'o'kta'atë tä jeexyë të nyëënikoompätën ko yë mëjnëë të kyomy.

¹⁷Jëtu'un ja Tios t'ënëmaaytyë: Ijxmajtstëk ëëtsëty, min n'ëkjuuky'atës jotkujk. ¿Tii jëtää yë Tios tyunëp mëët ëëtsajtëm mëti'ipë maaytyääyëpën winë?

¹⁸Je'eyëp ko, yë'ë të tyaj'ujtsë jyëën tyëjk mëët yë wit meeny. Ëjts nmëwinjëkäm'ajtypyës yë'ëjëty tä myäytyën tyajtën.

¹⁹Yë wa'ats ja'aytyëjk ko jëtu'un t'ixtë, tääts xyoonta'aktë; mëti'ipë ka'ap pyokymyëët'atën tääts xyi'iktë y'ëwë'ëktë,

²⁰ko t'ixtë ko jëtu'unyë nyitooytya'atë yë ëxëëkja'aytyëjk yë wyit myeenyëty.

²¹Kajpx'oyë yë mtsip m'äkë mëët yë Tios ets jatëkok yë mjotkujk'ajtën xypyaatëty.

²²Wä'än yë'ë mtukni''ixëty winë, jap mjootjoty mwinma'anyjoty pëjkta'ak yë y'aaw y'ayuk.

²³Pën mijts yu'unk naxym mnäypyëjktä'äkyë ma yë'ëjën ets mwinpijtp ma ja mëti'ipë maaytyääyëpën winë ets myajjëwä'kpy yë ëxëëkpë ma mjëën mtëjkën,

²⁴ets pën jëtu'un xy'ixy yë pu'ts pujxn oyëtypë tä naaxwayën, ëkë tä tsaajën mëti'ipë wokjoty ka'tsnääpyën,

²⁵yë Wintsën mëti'ipë maaytyääyëpën winë, yë'ë nëjkx jëtu'un nyäxy tä pu'ts pujxnën ets tä poop pujxnën may'äämpyë.

²⁶Yë'ë nëjkx xytyukxoontä'äky ets xëmë nëjkx xytyuk'ijxpety.

²⁷Pën m'amëtoopy winë, nëjkxëp tmëtoow'ity ets nëjkxëp xypyatuny ja m'aaw m'ayuk mëti'ipë ënäty yë'ë të xytyukwinwanën.

²⁸Aak oy winë mwinpëtsë'ëm mjëjp pëtsë'ëmxëtëty ets kutë'kxy kuno'okpyën nëjkx mjuuky'äty.

²⁹Jä'ä ko yë Tios nyaaxkutij nyaaxkumajtsëp mëti'ipë amëj akëjxm näjya'awëyëpën ets yajtsokpy mëti'ipë yu'unk naxym yajpatpën.

³⁰Yë'ë myajtso'okanëp pën ka'ap tii poky xymyëëtëty ets pën ka'ap tii të xytyuuntëkoy të xykyajpxtëkoy.