Read Biblia Mixe de Quetzaltepec Job 27 Bible Online

Job 27 - Biblia Mixe de Quetzaltepec bible

Job 27

¹Ëjts Tiosës yam ntukajpxpejtyp, mëti'ipë maaytyääyëpën winë, mëti'ipë ka'ap tpaye'eyä'änyën yë njotmayës maas ëxëëk njaty nkëpetyën,

³maapaatës xymyo'oyën yë jot mëjaaw etsës njaakxäjëty,

⁴ka'apës nwin'ëëna'any nijëna'a ets nijëna'ajës tii tëkatsy nkanikajpxa'any.

⁵Maapaatës njuuky'ätyën ëjts kopkpëkyës ko mëktä'äky nikäjpxy ko ka'apës tii poky të ntuuntëkoy; ka'apës nkupëka'any ets miitsëty nëkoo tii poky xytyuknipëktëtyës.

⁶Koonëmës nikajpxa'any ko ëjts mëtëyës winë të ntuny, ka'apës tii poky nmëët'aty tiijës jayajtukwinmëtowëpën.

⁷Mëti'ipë ënaanpën koos xymyëtsip'aty wä'än jëtu'un tjaty tkëpety tä yë ëxëëkja'aytyëjkën ets tä yë tuuntëkooypyëtëjkën.

⁸¿Tii yë ëxëëk ja'ay jyaak'ëwxijtyp tuna'any? Pën tëë yë Tios tuknipëjktaakë ko pyëjkëja'anyë yë jyuukyajtën.

⁹Ko ënäty ëxëëk jyäty kyëpety, Tios ka'ap tmëtoow'ita'any oy jënu'un jyanu'kxta'akëty.

¹⁰Jä'ä ko yë'ë ka'ap jyamëty yë xoontakën tpaaty ma mëti'ipë maaytyääyëpën winë ets ka'ap nijëna'a tmëkäjpxy.

¹¹Tyam ntuk'ixtëty yë mëj këjääpë Tios myëk'ajtën ets mëti'ipë të tuknipëjktaakën.

¹²Pën miitsëty tëë xy'ixtë, ¿wi'ix ko ënät yë'ë xykyajpxtë ka'apë myëtëyëtyën?

¹³Ya'atë tëytyu'unën'ajtp, mëti'ipë yë Tios, mëti'ipë maaytyääyëpën winë, tyuknikäxäämpyën yë ëxëëkja'aytyëjk ets ëxëëkpë y'ëtë'ëtstë y'ëna'antën,

¹⁴oy jënu'un jyanimay'atë, jam nëjkx tsipjotm y'o'kta'atë ëkë yuu xëëw nëjkx yaj'o'kta'ajëtë.

¹⁵E mëti'ipë ënäty juuky jaakwë'ëmtëpën, pa'am ëyo'on nëjkx yaj'ookëtë ets ja tyo'oxytyëjkëty mëti'ipë ënäty nyi'o'ktutëpën ka'ap nëjkx nyiya'axëtë.

¹⁶Oy yë ëxëëkja'aytyëjk tjanipëjkpätëty may yë wit meeny tä naaxwayën ets may'äämpy yë wyit tyujkxy tmëët'atëty,

¹⁷oyjyä'äy nëjkx tääpë wit tyajtuny ets oyjyä'äy nëjkx tääpë wit meeny tjä'ä'aty.

¹⁸Yë ëxëëk ja'ay yë jyëën tyëjk pojën yë wyintëkoy, jëtu'un tä joonpä'änën, jëtu'un tä muum kamjoty ja'ay tëjk oywyi'ix t'oytyuunyën.

¹⁹Jotkujk uxëp nyäkyo'okëtëty, e ko myä'äywyijëty, ka'ap ënäty tii t'ëk'mëët'ajnë.

²⁰Xëëny nëjkx tsë'ëkë tyukja'tyë, koots tuupoj nëjkx yajnëjkxyë.

²¹Yë mëkpoj mëti'ipë jam xëëwpëtsëmy tso'onpën, yë'ë nëjkx yë tyëjk kyë'ëtsë'kxëty;

²²yajxon nëjkx mëk tyukja'tyë ets ka'ap pën pya'ëyowëtëty, oy jënu'un jyakä'äkëty.

²³Amuup nëjkx yë mëkpoj pyajëtityë ets ënääw wëtsuk.