Read Biblia Mixe de Quetzaltepec Job 35 Bible Online

Job 35 - Biblia Mixe de Quetzaltepec bible

Job 35

¹Job, ¿oy jëtää ko mijts m'ëna'any ko yë Tios yë'ë mëpaat tja'akyukë mëti'ipë mijts mkäjpxypyënë?

³Mijts jëtu'un yë Tios të xy'ënëëmë: ¿Mijts Tios, tii xykyëwentëty yë npokyës? ¿Jam muum m'ëxëëk tuna'anyë?

⁴Tyam mijts n'ëtsowinpitëty ets näjyëtu'un ja ja'ayëty mëti'ipë mëët oy mnämyäyën.

⁵Ëkpa'at'ix jam tsajpjotm ets ëk'ix wi'ix kyëjxmëtyën yë tsajp.

⁶Pën mijts mpokytyuunp ka'ap maa Tios xy'ëxëëk tuny; oy jënu'un mpokytyunëty ka'ap maa wi'ix xytyuny.

⁷Ets oy tii oy xyjyatuunpë, ka'ap yë'ëjëty tuk'oy'äty; ka'ap yë'ëjëty xy'oytyuny.

⁸Yë naaxwiinyëtë ja'ay yë'ë m'ëxëëk tuumpy mëët yë mpoky ets pën oy winë të xytyuny yë'ë tyuk'oy'ajtëp.

⁹Ma ëxëëk yajtuntën jam jyë'ëtë ya'axtë yë naaxwiinyëtë ja'ay ets tja'ixta'atë pën putëkëtëpën ma ja kumeenyjyä'äytyëjk ëxëëk tyunëtën;

¹⁰je'eyëp ko ka'ap yë'ëjëty yë Tios t'ixta'atë mëti'ipë të yajkojëtën, mëti'ipë mëjaawmooyëtëpën xëmë oy jënu'un kyootsëty,

¹¹mëti'ipë xyaj'ijxpëjkëmën ets winë xytyukjajtëmë mëët yë aayjëyujk ujtsjëyujk ets joon jëyujk.

¹²Ja yaxtëp ja jojktëp, je'eyëp ko ka'ap yë Tios y'ëtsowëtë, ja'ay ëxëëk jyä'äy'atë ets mëj jaanty nyäyajnaxëtë.

¹³Tios, mëti'ipë maaytyääyëpën winë, ka'ap tuny këwentë ja'ay mëti'ipë ka'ap mëtëy tii tuny tkäjpxyën.

¹⁴Oy mja'ëna'any ko ka'ap yë Tios maa xy'ixy, yë'ë ëwxit, jä'ä ko yë mjotmay tëë tnanija'awënë.

¹⁵Mijts jëtu'un m'ëna'any ko yë Tios ka'ap jyoot'anpëky, ko ka'ap tyiytyuny ets ko ka'ap nëkooyë tmëjpëjktä'äky oy pën pyokytyunëty.

¹⁶Mijts Job, aakjä'ä yowë mkajpxnëp ka'apë jyääntyëtyën, je'eyë nëkoo mtyäty kyajpxnë ets ka'ap myëëtëty yë wijyajtën.