Read Biblia Mixe de Quetzaltepec Job 7 Bible Online

Job 7 - Biblia Mixe de Quetzaltepec bible

Job 7

¹Yë naaxwiinyëtë ja'ay yë jyuukyajtën jëtu'un yaa nyäxy naaxwiiny naaxkëjxy tä tu'uk yë tsiptuunpë tu'kjëmëjt tyaj'apetyën yë tyuunk,

²ëkë tä tu'uk yë mëtuunpë tu'ktsojkyë pyo'kxyën niktuuy, ëkë tä tu'uk yë mëtuunpë t'ëwxityën jëna'a yajmëjuy.

³Ëjts po'o'amës të mpëky të n'ixyë, xëëny kootsës npëkyë n'atonyë.

⁴Koos nnäkyo'okyë, jëtu'unës njawë ka'ap yowë nyäkyxyiinyëty; ki'tmiimp ki'txëjpës je'eyë, jëtu'unës nkuxëënyë, etsës nmay ntajy: ¿Jëna'a ënät npëtë'ëkëtyës?

⁵Nitënë'k kutënë'kës yë njot nini'kxnë, aak putsp xii yaanë ets tëë tyukko'omëtyääynyë yë ni'akës.

⁶Yi'iyës n'ëwxijtyp jëna'ajës n'ooky maas ka'ap nitii n'a'ixy njëjp'ixyën. Jëtu'un yë n'o'kënës wyinkony poj'am tä kepy y'ëwtityën pe'tympe'tym mëti'ipë wit kojpën.

⁷Wintsën yë'ë ja'amyäts koos yë njuukyajtënës jëtu'un yë'ë tä ja'ay myëkxejyën, mëti'ipë ka'ap jyotkujk'atyën.

⁸Ka'apës nëjkx nijëna'a pën xy'ëk'ijxnë; ookyës nëjkx xytyuk'ijxpety koos ënäty mijts xy'ixy.

⁹Tä yootsën mëti'ipë poj'am tëkoopyën, jëtu'un yë ja'ay nyäxy mëti'ipë yajkukë'ëyëpën o'kpëjutjoty. Ko jap jyëjptä'äky, ka'ap nijëna'a y'ëkwinpijnë ets ka'ap nijëna'a yë jyiiky myëku'uk y'ëk'ijxënë.

¹¹Paaty ka'ap tjëkyepy amonyë n'itëtyës. Maas yam npëkyë n'ixyën ets maas yam pa'am nmënaxy nyajnaxyën, minës mëk n'ëk'ëjy n'ëktu'uky.

¹²¿Tii jëtu'unës ëjts tä tu'uk mëjnëë jëyujkën etsës xy'ijx'itëtyë?

¹³Koos nmay ntajy, po'kxëpës ënät koos nma'ajëty ëkë koos nnäkyo'okëtëty,

¹⁴jääjës mijts xy'ëtsë'ëkë ma'ayjoty etsës xyaj'amëkë.

¹⁵Nikë oyës jeexyë xytyimyo'kpeny, ni'ikës n'oyjyawëja'any koos n'ookëty ets këtii koos njuuky'atëty ijxtëmës yam njuuky'ätyën.

¹⁶Ëjts ka'apës n'ëkmëmëta'akanë. Ka'apës n'ëkjuuky'atanë. Nikë ëxmajtskës, wä'änës ntimy'ooky. Yë njuukyajtënës jëtu'un tä ja'ay myëkxejyën.

¹⁷¿Tii yë naaxwiinyëtë ja'ay tyimkëjxm'ajtyp ko mëj'äämpy xypyëjktä'äky? ¿Wi'ix ko ni'ik xytyimmëjotmaypyääty?

¹⁸¿Wi'ix ko xytyimkëwent'aty, xëëny koots ets janaam jatsojk xywyinma'any'ixy?

¹⁹¿Wi'ix ko xykya'ëxmatyës ets jeexyë wäänë nxejyës?

²⁰Pën pokytyuunpës, ¿maa n'ëxëëktuny, mijts mëti'ipë naaxwiinyëtë ja'ay y'ijx'ijtypyën? ¿Wi'ix koos yë mti'pxn xytyukni''ixyës? ¿Ëkë jam muum n'atsipyë?

²¹¿Ti këtii mëpaat xypyokymye'kxyësë? ¿Këtii mëpaat xynyime'kxyës maas muum ntëkoyënë? Ëjts wäänës yam njaakjuuky'ata'any, täätsës nwo'tstëwëty, ka'apës maa xy'ëk'ijxnëty.