Read Biblia Mixe de Quetzaltepec Salmo 110 Bible Online

Salmo 110 - Biblia Mixe de Quetzaltepec bible

Salmo 110

¹Jëtu'un yë Wintsën t'ënëmaay yë nWintsënës: Yaatsow u'unyë maas yë n'a'oykyë'ëjën, yaa jëtu'un m'u'unyëty koonëm yë mmëtsiptëjk xymyëmëtakta'ajëty.

²Jam Sión, jam yë Tios mtukë'ëtëkëty yë kutujkën jëtu'un tä tu'uk yë tajkën, mëti'ipë myë'ijtypyën yë kutujkën. Paaty ënät tyam mmëmëtakta'a yë mmëtsip.

³Yë mnaax mkajpn mëj'äämpy mpëjkta'aka'anyë jä'ä xëëw ma ënäty ja mmëtsip xymyëmëtä'äkyën jam tsipjotm. Jëtu'un xëmë mnäjyawëtëty tä jeexyë m'ëna'kën winjëpom tä yë maanik kyä'äyën jopyëp jam tunkëjxm.

⁴Yë Wintsën tëë tu'uk yë käjpxytyu'unën tuny ets ka'ap jëtu'unyë tyajninaxa'any: Mijts xëmë mteety'ata'any jëtu'un tä y'ijtyën yë Melquisedec.

⁵Yë Wintsën tam yajpaaty ma m'a'oykyë'ëjën, ko ënäty jyoot'anpëky, nëjkxëp tyajkutëkooytyä'äy yë yajkutujkpëtëjk.

⁶Nëjkxëp ja naax kajpn ja nyëë pyoky tpaye'eyë, nyijëpijpätäämpy yë o'kpë; myëjwojpätäämpy këpajk naaxwiinyëtë apëtsëmy.

⁷Ko tyu'uye'eyëty, nëjkxëp nyëë uuky wokjoty, ja nëë yë'ë nëjkx myëjaawmo'oyë.