Read Biblia Mixe de Quetzaltepec Salmo 114 Bible Online

Salmo 114 - Biblia Mixe de Quetzaltepec bible

Salmo 114

¹Ko yë Israel ja'ayëty, mëti'ipë Jacob y'u'unk'ajtyp y'ëna'k'ajtypyën jap tsyo'ontë Egiptë, ma ënäty jaaypyaat jaaypyo'kxy yajpaatën,

²Yë Judá yë'ë ojts nyäxy tä Tios yë jyëën tyëjkën; ets tëkokyë yë Israel kajpn yë'ë ojts tjä'äniwa'any.

³Ko ja Israel ja'ay jam myiintë ma ja mëjmejyën ojts ja mëjmejy nyäwyä'kxyë, ets Jordán mëjnëë, ixtëkë ojts nyijkxy.

⁴Yë tun kopk jëtu'un ojts nyëput yujkputë tä kupixyny u'unkën ets tä tsajppax u'unkën.

⁵¿Tiitën të mjaty të mkëpetyë mijts mëjmejy ko nëkooyë të mkäk të mpujnë? ¿Tiitën të mjaty të mkëpetyë mijts Jordán mëjnëë, ko të m'ixtëkënëjkxy?

⁶¿Tiitën të mjat të mkëpätëtë miitsëty tun kopkëty ko jëtu'un të mnëpëkax të mtsajpëkaxtë tä yë kupixyny u'unkën ets tä tsajppax u'unkën?

⁷Tsëtyuy mijts naaxwiinyëtë Tios wintum, mëti'ipë Jacob y'ëwtajtypyën.

⁸Yë'ë ojts tyaj'awinpity yë tsaato'okyjot nëë'akëyë. Yë'ë ojts tyaj'awinpity yë tsaatun nëëkopk.