Read Biblia Mixe de Quetzaltepec Salmo 121 Bible Online

Salmo 121 - Biblia Mixe de Quetzaltepec bible

Salmo 121

¹Koos yë tun kopk n'ixy, täätsës näyyajtëyë etsës n'ëna'any: ¿Maa jëtää tsyoonëty mëti'ipës xypyutëkëpën?

²Yë nputëjkënës jam tsyoona'any ma Wintsënën, mëti'ipë ojts tyajkojyën yë tsajp ets naaxwiinyëtë.

³Yë'ë ka'ap t'ëwa'atsa'any ets muum mkëtaw mkëpipëty. Ka'ap nijëna'a myä'äy mëti'ipë mkëwent'ajtëpën.

⁴Yë'ë nijëna'a kyama'ay; nijëna'a kyama'ay mëti'ipë Israel këwent'ajtëpën.

⁵Yë Wintsën yë'ë mkëwent'ajtëp; yë Wintsën yë'ë mkuwanëp, mëti'ipë xëmë yajpatpën ma mijtsën ets mputëkëja'anyë.

⁶Yë xëëw'an ka'ap nëkooyë mno'okëtëty ko xyiiny'atëty, ets po'o nän ka'ap wi'ix xyjyawëty ko kyoots'atëty.

⁷Yë Wintsën yë'ë mkuwanëp oy tyimmaajëty ma muum kyutsë'ëkëtyën; yë'ë näjyëtu'un y'ijx'ijtyp kyëwent'ajtyp yë mjuukyajtën;

⁸yë'ë mkëwent'ajtëp ma muum mye'ey mnaxyën oy tyimjëna'ajëty tyam ets xëmëkyëjxm.