Read Biblia Mixe de Quetzaltepec Salmo 137 Bible Online

Salmo 137 - Biblia Mixe de Quetzaltepec bible

Salmo 137

¹Ko ijty jam n'ënyä'äyëmë winkon ma ja Babilonyë mëjnëëjën, je'eyë ijty një'ëyëmë nyaxëmë ko nja'amyäjtsëmë ja Sión kajpn.

²Ma ja kepyxye'entyën mëti'ipë jam kajpnjotm yajpatpën, jam ijty nkutë'ëyëmë ja nkowajtëmë.

³Jam ijty ja ja'ayëty nwin'ë'ëwëmë mëti'ipë të xymyëmëtakëmën, ja nmëtsip'ajtëmë jä'ä ijty tsoktë ets jotkujk nyajpatmëty, ets y'ëna'antë: Tukwin'ëëwtëkës tu'uk yë ëy ma xykyuuy'ëwtën yë Sión.

⁴¿Wi'ix n'ëkwin'ë'ëwmëty ja Wintsën wiink naax wiink kajpn?

⁵Pën mijts Jerusalén kajpn nja'atyëkoopy jëna'a, nkupëkëpës ets jëtu'unyë tyëtskëta'akëty yë n'a'oykyë'ëjës.

⁶Wä'än jëtu'unyë tmëj'o'tspety yë nyä'änës npa'kxwiinyës ko mijts nkaja'amyätsëty, pën mijts Jerusalén ka'ap n'ëkpëjktaknë mëj'äämpy koos ënäty akujk jotkujk nyajpatnë.

⁷Wintsën, ja'amyäts wi'ix ojts tëkok yë Edom ja'ay y'ëtë'ëtstën, ko yë Jerusalén kajpn ojts ëxëëk jyäty kyëpety, ënät y'ënantë: Yajkutëkooytya'atë tu'kë'ëyë, jijtë'ktaayëtë yë pyotsyëty.

⁸Mijts Babilonyë ja'ayëty, nëjkxëp jëna'a mkutëkooytya'atë. Jotkujk ja ja'ay yajpaatëty mëti'ipë ënäty ëxëëk mtuunëpën, mëët koos ëxëëk të xytyuntë.

⁹Jotkujk ja ja'ay yajpaatëty mëti'ipë ënäty myäjtsypyën ja m'u'unk m'ëna'k ets tmëjwojpät tmëjka'tspätëty jam tsaawinm.