Read Biblia Mixe de Quetzaltepec Salmo 138 Bible Online

Salmo 138 - Biblia Mixe de Quetzaltepec bible

Salmo 138

¹Wintsën, nkukajpxëjäämpyës winë aaw winëjot; nwin'ëwäämpy nwinya'axäämpy mijts, oy ënäty xii yaa muum yë wiink tios jyayajpaaty.

²Japës nkoxtanëja'any ma mtsajptëjkën, etsës nkukajpxëja'any yë mtsojkën mja'awën ets mtëyajtën, jä'ä ko yë mxëëw ets m'aaw m'ayuk tëë mijts xypyëjktä'äky ets mëj'äämpy y'itëty ma tëkokyë winë yajpaatyën.

³Ko të nmëkäjpxy, tëës xy'ëtsoy ets tëës yë njot nmëjaaw xyajmëj xyajkëjääjë.

⁴Tëkokyë ënä'ämpëtëjkëty jënu'un naaxwiiny yajpaatën nëjkxëp mtukxoontä'äkyë ko nijawëtëty mëti'ipë të xywyaantä'äkyën.

⁵Mëjpëjkta'aktë ja Wintsën, mëët ja mëti'ipë të tuknipëjktaakën, jä'ä ko këjää yë myëj'ajt y'oyajtën.

⁶Oyxyëp yë Wintsën jam y'ëkyajpaaty këjxm, yë'ë wa'ats t'ixy tuny mëti'ipë ja'ay yu'unk naxym juukyajtpën, ets nän jëkämpaat t'ixy tuny yë ja'ay mëti'ipë amëj akëjxm ja'ay'ajtpën.

⁷Koos muum nyajpaaty o'këntum, mijts kë'ëm mpëjk'ijtyp mmajts'ijtyp yë njuukyajtënës. Pojën yë mmëkajtën xyajkëtä'äky maas yë nmëtsiptëjkën ets jëtu'unës xyajtso'oky.

⁸Yë Wintsën, oy tsuj tyajwinpëtsëma'any yë tyu'unën kyajpxën maas ëjts xypyutëkën. Wintsën, yë mtsojkën mja'awën xëmëkyëjxm yë y'ity; këtii jëtu'unyë xy'ëxmatsy tuuntuk mëti'ipë tëë xyajtso'ontä'äkyën.