Read Biblia Mixe de Quetzaltepec Salmo 22 Bible Online

Salmo 22 - Biblia Mixe de Quetzaltepec bible

Salmo 22

¹Tios, mëti'ipës nTios'ajtypyën, Tios mëti'ipës nTios'ajtypyën. ¿Wi'ix ko xynyawa'ktu'utyës? ¿Wi'ix ko xykyaniminyës etsës xyajtso'okëty? ¿Wi'ix ko xykyamëtoy koos një'ëy nyä'äxy?

²Tios mëti'ipës nTios'ajtypyën, xëëny koots njamëkäjpxy, e mijts ka'ap ma m'ëtsoy. Ëjts ka'apës yë po'kxën n'ëk'ijxnë.

³Mijts wa'ats xëmë myajpaaty. Mijts myajkutujkp ets mëj'äämpy yë Israel ja'ay mjëkyepyë.

⁴Yë nteetyës n'apës ojts mëpëkyë; mëët ko mmëpëjkë paaty ojts xyajtso'oky.

⁵Ojts t'amëtowtë ja näypyutëkë ma mijtsën, ets ojts xyajtso'oky. Ojts mtukjotkujk'atyë, paaty ojts ka'ap tsëtyu'unmëët wyë'ëmtë.

⁶E ëjts nitiijës nkatsowëty, jëtu'unës tä tu'uk yë tënë'kën. Je'eyës nyajja'ayxyi'iky.

⁷Koos pën xy'ixy je'eyës xynyëxi'ik xytyukxi'iktë; je'eyë kyuwëjpxtë ets wyiin y'aaw tuntë

⁸ets y'ëna'antë: Ya'atë ja'ay yë'ë ijty yë Wintsën xëmë tyuk'ijxpejtyp, wä'än yë'ë yajtso'okyë. Yë'ë ni'ik tsyojkën'ajtyp, wä'än yë'ë yajjotkujktä'äkyë.

⁹E janty jëtu'un y'ixëty: mijtsës të xyajmëxu'unk'aty ntaakjyootjotyës; koos yë ntaak të xyajtsi'itsy jotkujkës të näjyawëty.

¹⁰Ka'anëmës ënäty nmëxu'unk'aty ko ojts xy'ëxajës etsës xykyëwent'atëty; tapnëmës ënäty ntaakës jyootjoty, ko mijts nTios'aty.

¹¹Këtiis xymyëjëkäm'atëty, ëjts janty jëtu'unës winkon ntimyajpaaty mëët yë monyëtukyë, e ka'apës pën nmëëtëty mëti'ipës xypyutëkëpën.

¹²Tëës yë nmëtsip xynyapikë, aakjëtu'un yaj'ixtë tsajpkaajën, tä yë tsajpkaa inën mëti'ipë jam Basán.

¹³Jëtu'un myu'utë kaajën ets ko y'ëwë'ëktë ëjts xynyi'ëwë'ktëp.

¹⁴Jëtu'unës ëjts tä nëë nyajtstämën. Tëës yë nwaay mpajk jyäjxma'ta'ay. Jëtu'unës yë njuukyjot tä pu'unykyën tëë jap jyiiytyakta'ay njootjotyës.

¹⁵Jëtu'unës yë n'aaw tä texy apu'ujën; tëës yë nyä'än myëjtëtspäjnë npa'kxwiinyës. Jap ma o'kpë nyipetyën japës të xyajkëtä'äky.

¹⁶Ijxtëm yë may y'ukën, jëtu'unës yë ëxëëkja'aytyëjk të xynya'ëwtitë, tëës yë nkë'ë nteky tyajtsëtyujta'atë.

¹⁷Jyëkyäjpnëp nmëtsyowëtyës yë npajkës. Yë nmëtsipës ninu'unës xykya'ijxtëkoytyë.

¹⁸Tëë tpëjkwa'kxtë ja nwitës ets t'ijxpëtsëmtë.

¹⁹E mijts Wintsën, mëti'ipës xymyoopyën ja jot mëjaaw, këtiis xymyajtstu'utëty. Min pojën maas ja näypyutëkë nyajmëyätyën.

²⁰Mijtsës xyajtso'okëp, ets ka'ap mëpaat n'ooky kupuxy mëët yë tëypyujxn, këtii xy'ëwa'atsëty etsës xyaj'ooktëty yë may uk.

²¹Yajtsokës ma y'aaw yä'änëtyën tääpë maykyaa. Kuwaankës ma tääpë tsajpkaajën mëti'ipë kaapantëpën.

²²Nimëtya'akäämpy mijts maas yë nmëkä'äxtëjkën, ets nkuuy'ëwäämpy ma ënäty jam të nyämyukëtën.

²³Mëjpëjkta'aktë yë Wintsën ninu'un yë xymyëët'atën, Kënu'kxyjyawëtë ninu'un yë Jacob xytyeety'at xy'ap'atën. Ëwtatë ninu'un m'Israel ja'ay'atën.

²⁴Jä'ä ko yë'ë ka'ap tii jëtu'unyë tna'ixy ets ka'ap jëtu'unyë tyajninaxy ko ëyoopëja'ay ëxëëk jyäty kyëpety, ka'ap je'eyë nyäyu'tsënë. Yë'ë myëtoopy ko y'amëtoyë näypyutëkë.

²⁵Ma ja mnaax mkajpnën jamës nimëtya'aka'any wi'ix tii mëtëy xytyunyën. Ma ja ja'ayëtyën mëti'ipë oy mëtuunëpën, jamës nkë'ëyaka'any mëti'ipë të ntukwinwanën.

²⁶Kaytyë uuktë, miitsëty ninu'un ëxëëk myajtun myaj'ënëëmëtën, kaytyë uuktë ku'uxyë; Miitsëty ninu'un xy'ixta'atën yë Wintsën, mëjjawëtë ets mjuuky'atëty jeky.

²⁷Tu'kë'ëyë ja'ay ets ja naax kajpn, ja'ay wiinktsowpë tsyoontën, naaxwiinyëtë apëtsëmy: ja'amyätstë Wintsën ets nnimintë. Yë'ë wiinkoxtänëtë.

²⁸Jä'ä ko yë Wintsën, yë'ë tu'uk Yajkutujkpë, ets yë'ë y'ënä'ämtääpy tëkokyë yë naax kajpn.

²⁹Winta'ak naaxkowtë ma yë'ëjën nitëkokyë jënu'un winë mëj këjää xymyëët'atën, tu'kë'ëyë jënu'un naaxway y'awinpita'antën, jä'ä ko ka'ap kë'ëm mnäyajjuuky'atëtë.

³⁰Yë n'u'unk n'okës yë'ë y'ëwtatantëp yë Wintsën ets yë'ë nyimëtya'akantëp mapaat jyuuky'atën.

³¹Mëti'ipë ënäty ok mëxu'unk'ajtëpën, nëjkxëp yajtukmëmëtya'aktë wi'ix winë të tunyën oy ets mëtëy.