Read Biblia Mixe de Quetzaltepec Salmo 43 Bible Online

Salmo 43 - Biblia Mixe de Quetzaltepec bible

Salmo 43

¹Tios, nipaye'eykyës maas ëxëëk njaty nkëpetyën; pukajpxëkës ma ja'ayëtyën mëti'ipë ka'ap Tios t'ëwtatën. Yajtsokës ma ya'atë ëxëëkja'ayëtyën mëti'ipë je'eyë win'ë'ën antaktëpën,

²jä'ä ko mijts nTios'ajtyp ets mijts xykyuwaanpës. ¿Wi'ixës ko jëkäm të xypyëjktä'äky? ¿Wi'ix ko nmëtsipës yë'ë xyajmon xyajtukëtyës ets ka'ap xyajjotkujk'atëtyës?

³Käx yë mtë'kxën mjajën ets mtëyajtën maas ëjtsën etsës yë'ë nnätyuktu'uwinwowëtëty, etsës tëyë nja'tëty ma ja mkopkën kënu'kxypyë, ma ja it naaxwiinyëtën ma m'ity mtsëënën.

⁴Etsës nja'tëty ma ja mwintsë'këntyaknën, jam nwin'ëwa'any nwinya'axa'any mijts Tios mëët yë kow, jä'ä ko mijts Tios, mëti'ipës nTios'ajtypyën, akujk jotkujkës xyajjuuky'äty.

⁵¿Wi'ixës ko nkumon nkutukëty, ¿wi'ixës ko nkumay nkutajëty? Ëjts Tiosës ntuk'ijxpejtyp, mëti'ipës je'eyëm nyajmëjnaxäämpyën. Tääpë Tios yajtsokp yë'ë ets yaj'ëwaatsëpëtsëëmp.